वसिङटन डिसी – अन्ततः अमेरिकी सिनेटले महत्वकांछी र बहुप्रतिक्षित राहत प्याकेज पारित गरेको छ । अमेरिकी सिनेटमा लामो बहस र प्रक्रियापछि राष्ट्रपति जो बाइडेनले प्रस्ताव गरेको एक दशमलव नौ ट्रिलियनको राहत प्याकजेज पारित भएको हो ।
सिनेटमा भएको मतदानमा पक्ष र विपक्षमा बराबरी ५०–५० मत परेको थियो । मतदानमा बराबरी
मत परेपछि उपराष्ट्रपतिले मतदान गर्ने नियम छ । कमला ह्यारिसले प्रस्तावको पक्षमा मतदान गरेपछि राष्ट्रपतिको प्रस्ताव पारित भएको हो । तर प्रस्ताव केही संसोधन सहित पारित गरिएको छ ।
कतिपय संसोधन रिपव्ल्किनहरुले प्रस्ताव गरेका छन भने कतिपयमा डेमोक्र्याटहरुको प्रस्ताव रहेको छ । रिपव्लिकन सिनेटरले गरेको दुई संसोधन प्रस्तावपनि सिनेटले पारित गरेको हो । रिपव्लिकनहरुले महामारीको बेला ज्याला न्युनतम १५ डलर पुर्याउने प्रस्तावको विपक्षमा संसोधन मागेका थिए ।
त्यसैगरि काजगपत्र विहिनलाई राहत चेक दिने राष्टप्रतिको प्रस्तावमाथी संसोधन हुनुपर्ने रिपव्लिकनहरुको मागपनि सिनेटले पारित गरेको छ । रेष्टुरेन्ट व्यवसायीलाई राहत दिने रिपव्लिकनहरुको प्रस्तावलाईपनि सिनेटले पारित गरेको छ । त्यस्तै धेरै आम्दानी हुनेहरुलाई राहत चेक दिन नहुने डेमोक्रयाट र रिपव्किनहरुको संसोधन प्रस्तावपनि सिनेटले पारित गरेको हो ।
के छ त सिनेटले पारित गरेको राहत प्याकेजमा ?
सिनेटले पारित गरेको पछिल्लो राहत प्याकेज राष्ट्रपति निर्वाचन अघि नै डेमोक्रयाटहरुले प्रस्ताव गरेको एजेण्डा हो । निर्वाचन अघि प्रतिनिधि सभामा डेमोक्रयाटहरुको बहुमत भएपनि सिनेटमा भने रिपव्लिकनहरुको बाहुल्यता थियो।
यसकारण सो प्रस्ताव पारित हुन सकेको थिएन । अर्को तर्फ निवर्तमान राष्ट्रपति डोनल्ड ट्रम्प नै सो प्रस्तावको विपक्षमा रहेका कारण पारित हुने कुरै थिएन । तर अहिले राष्ट्रपति जो बाइडेन छन भने सिनेटमा पनि डेमोक्रयाटहरुको बहुमत छ । यसकारण सो प्याकेज पारित हुन सकेको हो ।
सो प्याकेजमा अमेरिकी नागरिक तथा ग्रिन कार्ड हुनेहरुले प्रतिव्यक्ति १४ सय डलरको चेक पाउने छन । यद्यपि आम्दानी धेरै हुनेहरुको हकमा भने यो प्रस्ताव लागु नहुन सक्छ । तर धेरै आप्रवासी तथा नेपालीहरु यसबाट लाभान्वित हुन सक्ने देखिन्छ । किनकी धेरै नेपालीहरुको आम्दानी मध्यम स्तरको भएकोले सो प्याकेज अनुसार अधिकांशले १४ सय डलर पाउन सक्ने अनुमान गरिएको छ ।
तर उच्च आम्दानी भएकाहरुको हकमा भने सो लागु नहुन सक्छ । त्यसैगरी रेष्टुरेण्ड व्यवसायीको लागि पनि सिनेटको प्रस्ताव लाभदायक हुनसक्ने अनुमान गरिएको छ । महामारीको बेला बन्द हुन पुगेका रेष्टुरेण्ट व्यवसायीहरुलाई पनि राहत प्याकेजले समेटने छ ।
सो प्याकेजलाई अन्तिम रुप दिन अझै संसदीय प्रक्रिया बांकी रहेपनि डेमोक्रयाटहरुले प्रस्ताव गरेको र दुवै सदनमा बहुमत भएकाले सहज रुपमा कानुनी रुप लिने विस्वास गरिएको छ ।
प्रतिक्रिया