अमेरिका– अमेरिकाको राजधानी वासिंटन डीसीमा बुधवार विरलै देखिने घटना राजनीतिक दंगा भड्किएको छ । कानुन निर्माता सांसदहरु गत नोभेम्बर महिनामा भएको राष्ट्रपति निर्वाचन नतिजा प्रमाणित गर्न वैठक बसिरहंदा राष्ट्रपनि डोनाल्ड ट्रम्प समर्थकहरुले सिनेट कांग्रेस भवनमा क्यापिटल हिलमा ताण्डव मच्चाएका हुन्  ।

 

संसद भवन क्यापिटल हिलका भवनका सिसा फुटाईएका छन् । प्रहरीले व्यापक शक्ति उपयोग गर्दा समेत उदण्ड प्रर्दानकारीहरुलाई रोक्न कठिन भएको थियो । प्रहरीले गोली समेत चलाउनु परेको थियो । 

 

उक्त निर्वाचनमा सानो मनअन्तरले राष्ट्रपति डोनाल्ड ट्रम्प हारेका थिए । तर, ट्रम्पले यो नतिजालाई स्विकारेका छैनन् । 

अमेरिकाको संवैधानिक व्यवस्था अनुसार राष्ट्रपति निर्वाचनलाई सिनेट र कांग्रेसले प्रमाणित गर्नु पर्छ । त्यहांवाट प्रमाणित भएपछि उपराष्ट्रपतिले यसलार्य प्रमाणित गर्छन । त्यसपछि यो नतिजाले औपचारिकता पाउंछ र निर्वाचित राष्ट्रपतिले जनवरी २० देखि सत्ता सम्हाल्छन् । 

 

बुधवारको घटनालाई अमेरिकाको प्रजातन्त्रकै वेइज्जत पुर्ण दिनका रुपमा लिईएको छ । नराम्रो पक्ष राष्ट्रपति ट्रम्पले यस्तो अवस्था जानाजान ल्याउका हुन् । तर, राम्रो पक्ष यो घटनालाई राष्ट्रपतिको पार्टी रिपब्लिकन पार्टीका नेताहरुले पनि गलत भएको वताएका छन् । यो घटना पछि राष्ट्पति ट्रम्प नराम्रोसग एक्लिएका छन् । 

निर्वाचित राष्ट्रपति जो वाइडेनले केही सानो संख्यामा रहेका प्रर्दशनकारी कानुन नमानेको वताउंदै यसलाई राजद्रोह भनेका छन् । 

 

यो समाचार तयार पर्दासम्म वुधवार सांझ यो संसदको नियमित प्रकृया पुन शुरु भएको थियो । यो प्रमाणित गर्ने प्रकृया वुधवारै समाप्त गर्ने योजना छ । तस्बिर: सामाजिक संजाल