ड्यालस (टेक्सस) – नेपाली समाज टेक्ससको नयाँ नेतृत्वका लागि यही डिसेम्बर २८ मा निर्वाचन हुने भएको छ । 

 

निर्वाचनको तयारीका लागि नेपाली समाजले विभिन्न समितिहरू गठन गर्नुका साथै कामहरू तिब्र रूपमा अघि बढाएको छ । दुइ साता अघि भएको समाजको साधारण सभाले पूर्व अध्यक्ष बैकुण्ठ थापाको संयोजकत्वमा निर्वाचन समिति गठन गरिसकेको छ भने पूर्व महासचिव विजयराज भट्टराइको संयोजकत्वजमा सदस्यता समिति गठन गरेको छ । 

 

यो समितिमा ज्ञानेन्द्र कार्की, केशव लामिछाने, सीता सपकोटा, प्रयाश बास्तोला सदस्य रहेका छन् । 

 

संयोजक भट्टराइले मंगलबार विज्ञप्ती जारी गर्दै निर्वाचनमा सहभागी हुनका लागि डिसेम्बर २१ तारिकसम्म सदस्यता लिइसक्नुपर्ने उल्लेख गरेका छन् । 

 

नेपाली समाज टेक्ससको सदस्य तीन प्रकारका छन् । ५ हजार डलर तिरेर ट्रष्टी सदस्य, ५ सय डलर तिरेर अजीवन सदस्य र २० डलर तिरेर दुइ वर्षका लागि सदस्य बन्न सकिन्छ । 

१८ वर्ष उमेर पुगेका र टेक्सस राज्यमा बसोबासर गर्ने नेपाली समुदायलाइ सदस्यता लिनका लागि समितिले अपिल गरेको छ । 

 

डिसेम्बर २८ मा हुने चुनावका लागि समिकरण तयार पार्न समुदायका अगुवाहरू सकृय देखिएका छन् ।