टेक्सस, अमेरिका । चितवन स्थायी घर भई हाल टेक्ससको डलासमा बस्दै आएका धनञ्जय ढकाललाई नेपाली कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानले विषयगत विज्ञका रुपमा नियुक्त गरिएको छ । 

 

नेपाली कांग्रेसको विधान, २०१७ (संशोधनसहित) ३६ (१) अनुसार ढकाललाई गत महिना हरिहर विरही संयोजक रहेको नेपाली कांग्रेसको आदर्श र सिद्धान्तको कार्यान्वयन विषयगत समितिको विज्ञका रुपमा नियुक्त गरिएको नेपाली कांग्रेसका उपसभापति तथा प्रतिष्ठानका प्रमुख विमलेन्द्र निधिद्वारा हस्ताक्षरित पत्रमा जनाइएको छ । 

 

ढकाललाई दिइएको सो पत्रमा प्रतिष्ठान प्रमुख, कार्यकारी निर्देशक, नीति निर्देशक तथा विषय संयोजकको समन्वयमा रही सम्बन्धित पार्टीको नीति निर्माणमा सहयोग पु¥याउन अनुरोध पनि गरिएको छ । 

 

विश्व सञ्जाल जनसम्पर्क समितिको सल्लाहकारका रुपमा कार्यरत ढकालले सो पत्र प्राप्त गरेपछि नेपाली कांग्रेस पार्टीले आफूले विगतमा गरेको योगदानको कदर गरेकोमा खुसी व्यक्त गर्दै आफूले पार्टीको आदर्श र सिद्धान्त बमोजिम कार्य गर्ने प्रतिबद्धता व्यक्त गरे । 

 

कृषि विषयमा स्नातक ढकालले अर्थशास्त्र र समाजशास्त्रमा स्नातकोत्तर गरेका छन् ।