न्युयोर्क । गिरिजाप्रसाद कोइराला फाउन्डेसन अमेरिकाले ३३ औँ पटक निःशुल्क खाद्यान्न वितरण गरेको छ ।  

 

जनवरी ३० का दिन सम्पन्न भएको खाद्यान्न वितरण कार्यक्रम न्युयोर्क सहरको क्विन्स बोरोस्थित क्विन्स टुगेदर संस्थाका सह–संस्थापक जनाथन फरगाससँगको सहकार्यमा भएको फाउन्डेसनका अध्यक्ष सोमनाथ घिमिरेले जानकारी दिए ।  

फाउन्डेसनको निःशुल्क खाद्यान्न वितरणबाट विभिन्न समुदायका २१५ जना लाभान्वित भएको आयोजकले जनाएको छ । वितरण गरिएको खाद्यान्नमा बासमती चामल, कालो दाल, रातो दाल, गहतको दाल, प्याज, आलु र गाजरलगायत समावेश गरिएको जनाइएको छ । 

खाद्यान्न वितरण कार्यक्रममा न्युयोर्कका वीरेन्द्र मानन्धर, साड. टेम्बा शेर्पा, फुर्पा लामा शेर्पा, रेन्जेन शेर्पा, सन्जु शेर्पा, लाक्पा डोमा शेर्पा, सेरगेल्बु शेर्पा, कर्मा शेर्पा र पासाड शेर्पालगायतको सक्रियता रहेको थियो ।  

 

फाउन्डेसनका उपाध्यक्ष सुवर्ण लामा, महासचिव छिरिङ्ग राप्के लामा, कार्यसमिति सदस्यहरु क्रमशः रामचन्द्र अधिकारी, रेखा श्रेष्ठ, राजेश आचार्य, प्रेम पौडेल, प्रेम क्षेत्री अधिकारी र ध्रुव कुँवर क्षेत्री र एबिसी न्युजकी पत्रकार मेडालिन रेनवारगरको सो कार्यक्रममा उपस्थिति रहेको थियो ।