हिमालयखवर संवाददाता
काठमाडौँ- नेपालका चर्चित न्यूरो सर्जन पुर्व मन्त्री प्रोफेसर डा. उपेन्द्र देवकोटाको सोमबार निधन भएको छ । काठमाडौ बाँसबारी स्थित आफुलेनै स्थापना गरेको न्यूरो अस्पतालमा उनको निधन भएको हो । उनी ६१ बर्षका थिए ।
डा. देवकोटा केही समय अघि देखि पित्तथैलीको क्यान्सर देखिएको थियो । नेपालको पदयात्राका क्रममा पेट फुलेपछि काठमाडौ फर्केर स्वास्थ्य जाँच गर्दा क्यान्सर भएको देखिएपछि डा. देवकोटा उपचारका लागि लण्डन गएका थिए । केही पाँच महिना सम्म त्यहाँ उपचार गर्दा रोग निको नभएपछि उनलाई नेपाल फिर्ता ल्याईएको थियो । लण्डनमा क्यान्सर उपचारका क्रममा उनलाई किमोथेरापी दिईएको थियो । तर, यसवाट उनको रोगमा कुनै सुधार नभएपछि उनको स्थास्थ्य अवस्था गम्भिर हुँदै गएको थियो ।
गत सातानै उनको निधन भएको हल्ला फैलिएको थियो । त्यतिखेर परिवारका सदस्यहरूले पुर्ख्याैली घर गोरखा लगेर बाल्यकालमा पिएको धाराको पानी पियाएका थिए ।
डा. देवकोटा नेपालका विश्वमै न्यूरो सर्जनमा नाम चलेका डाक्टर हुन् । उनले बीर अस्पतालबाट नेपालमा न्यूरो (स्नायु) शल्यचिकित्साको शुरु गरेका थिए । पुर्व राजा ज्ञानेन्द्रको शासन कालमा डा. देवकोटा स्वास्थ्य मन्त्रीपनि भएका थिए । त्यस वेला उनले डाक्टरको जाँच शुल्कमा एकरुपता ल्याउने पहल गरेका थिए ।
दरवार हत्याकाण्ड हुँदा पुर्व राजा वीरेन्द्र र उनको परिवारको स्वास्थ्य स्थिती हेर्न उनलाई काठमाडौ स्थित सैनिक अस्पताल लगिएको थियो । नेपालको इतिहासमा सवैभन्दा चर्चित र विवादस्पद उक्त हत्याकाण्ड पछि तत्कालिन राज परिवारका सदस्यहरूलाइ हेर्नेमा उनी पनि थिए । त्यसैले उनको यस विषयमा बोल्ने र भन्ने विषयलाई सर्वसाधारणले चासोका रुपमा हेर्दै आएका थिए ।
बेलायतमा उपचार नहुने देखिएपछि बाँकी समय आरामसँग नेपालमै बिताउने भनेर डा. देवकोटालाई काठमाडौ फिर्ता ल्याईएको थियो । रोगले च्याप्दै गर्दा पनि उनले काठमाडौ स्थित एक अनलाइन पत्रिकामा आफ्नो रोग, दरवार हत्याकाण्ड लगायतका विषयमा अभिव्यक्ति दिएका थिए ।
डा. देवकोटाको अवस्था प्रति आम नेपाली सर्वसाधारण पनि दुख व्यक्त गरेका थिए । उनी प्रति प्रतिकृया जनाउँदै हज्जारौंले रोगलाई निको पार्ने शक्ती र लामो आयुका लागि प्रार्थाना गरेका थिए । न्यूरो समस्यामा समयमै अस्पताल पुर्याउनु सवैभन्दा महत्वपुर्ण हुने उनले बताउने गरेका थिए ।
नेपालमा एउटा ठुलो अन्तराष्ट्रिय स्तरको अस्पताल खोल्नका लागि उनले मलेखु लगायत विभिन्न स्थानमा जमिन खोजेका थिए । तर, अन्तत बासवारीमा न्यूरो अस्पताल खोलेका थिए । तर, कयौंको जीवन बचाएका डा देवकोटाका लागि भने चिकित्सा विज्ञानले पनि हार खानुपर्यो ।
सातै दिनमा किरिया सम्पन्न गरिनेः
डा. देवकोटाको पार्थिव शरीर नेपाली समय अनुसार मंगलबार बिहान ८ बजे देखि दिनको १ बजेसम्म स्नायु अस्पतालमै श्रद्धान्जलिका लागि राखिने छ ।
त्यसपछि पशुपति लगेर विद्युतीय माध्यमबाट दाहसंस्कार गरिने भएको छ । डा. देवकोटाको किरिया उहाँकी पत्नी र तीन छोरीहरुले आफ्नै घरमा बसेर गर्नेछन् ।किरिया दिनमा किरिया समाप्त गरिने समेत जनाइएको छ ।
प्रतिक्रिया