काठमाडौँ । पूर्वप्रधानमन्त्री तथा नेसपाका अध्यक्ष डा. बाबुराम भट्टराईले प्रधानमन्त्री पुष्पकमल दाहाल प्रचण्डप्रति लक्षित गर्दै सधैँभरि ठग्न नसकिने टिप्पणी गरेका छन् ।

कांग्रेस-एमालेसँगको सहमतिपछि सामाजिक सञ्जालमार्फत डा. भट्टराईले प्रचण्डलाई लक्षित गर्दै भनेका छन्, ‘केहीलाई सधैँभरि ठग्न सकिन्छ, सबैलाई केहीबेर ठग्न सकिन्छ तर सबैलाई सधैँभरि ठग्न सकिन्न । सन्दर्भ बुझौँ !’

आफ्नो निर्वाचन क्षेत्र गोरखा प्रचण्डका लागि छोडेर त्याग गरेका डा. भट्टराईको प्रचण्डसँग पछिल्लो समय सम्बन्ध बिग्रिएको छ । उनले पछिल्ला दिनहरुमा प्रचण्डको आलोचना गर्दै आएका छन् । खासगरी नेसपालाई विभाजित गरेर माओवादीमा विलय गराएपछि बाबुराम प्रचण्डसँग आक्रोशित छन् ।