काठमाडौ- नेपाली कांग्रेश महासमिति वैठकमा गैर आवासिय नेपाली (एनआरएन) नागरिकताको औचित्य नभएको हुदां यसलाई रद्द गरी नेपाली नागरिकताको निरन्तरता हुने गरी दोहोरो नागरिकता दिन प्रस्ताव गरिएको छ ।

महासमिति वैठकमा सहभागी हरिबोल भण्डारीले उक्त प्रस्ताव राखेका हुन् । बैठकमा आफ्नो धारणा राख्ने क्रममा भण्डारीले भने , विभिन्न वाध्यता र परिस्थितिका कारण विदेशमा रहेका नेपालीलाई हामीले देशको समृद्धिसंग जोड्नु पर्ने आवश्यकता छ । त्यसका लागि अहिले जारी भएको नागरिकताले यथोचित सम्वोधन गरेको देखिन्न ।

दोहोरो नागरिकता विदेशमा वस्ने नेपालीको मुख्य चासोको विषय हो । कांग्रेस पार्टी र सरकारका मन्त्रीसमेत सहभागी रहेको वैठकमा भण्डारीले उक्त प्रस्ताव राखेका हुन् । भण्डारी काठमाडौवाट प्रतिनिधित्व गर्ने महासमिति सदश्य हुन् । उनी एनआरएनएका पुर्व सल्लाहकार पनि हुन् ।

संविधान अनुसार नेपालले केही महिना अघि देखि एनआरएन नागरिकता दिदंै आएको छ । विदेशी नागरिकता लिने नेपालीलाई यो नागरिकता दिन थालिएको हो । तर, यो नागरिकता लिनेले नेपाल जांदा विदेशी सरह भिषा र शुल्क तिर्नु पर्छ । यो नागरिकता लिनेले सम्पुर्ण आर्थिक अधिकार पाउने उल्लेख भएपनि आफ्नो नाममा जग्गा किन्न समेत सकेका छैनन ।

वाध्यता र परिस्थितिले बाहिरिएका हाम्रा नेपाली दाजुभाई दिदी बहिनीहरुले पाउने नागरिकतामा मातृभूमि फर्किदा पुन भिसा लिनुपर्ने भएकाले प्रवासमा रहेका नेपालीहरु वेखुसी रहेको जानकारी गराउछु, उनले भने ।

विदेशमा वस्ने नेपालीको मुख्य माग नै नागरिकताको निरन्तरता हो । दोहोरो नागरिकता दिदां नेपाललाई कुनै वेफाइदा छैन । दोहोरो नागरिकताको व्यवस्था नहुदां विदेशमा वस्ने नेपालीले विभिन्न समस्या भोग्दै आएका छन् । एनआरएन नागरिकता लिने प्रकृया पनि झन्झिटिलो छ । त्यसैले तुलनात्मक रुपमा एनआरएन नागरिकता लिनेको संख्या कम छ ।

भण्डारीले कांग्रेसको शुभेच्छुक संस्था जनसम्पर्क समितिका वारेमा पनि महासमिति वैठकमा ध्यानाकर्षण गराएका छन् । जनसम्पर्क समितिको अधिवेशन समयमै नहुदां हाम्रा थुप्रै साथीहरु विभाजित मानसिकतामा हुनुहुन्छ भण्डारीले भने यसको सम्वोधन पनि पार्टीले समयमै गरोस् भन्ने आग्रह गर्न चाहान्छु ।

कयौं देशमा गठन भएको जनसम्पर्क समितिमा विवाद नै विवाद छ । अमेरिकामा जनसम्पर्क समितिको अधिवेशन नभएको १० वर्ष पुग्न लागेको छ । लामो समय अधिवेशन नगरी आफुलाई अध्यक्ष दावी गरिरहने कार्यसमिति प्रति अमेरिकामा व्यापक आक्रोश छ । यसले गर्दा अमेरिकामा कांग्रेस खुम्चिदैं गएको छ । यसले गर्दा अमेरिकामा कांग्रेस समर्थक वढ्ने भन्दा घट्दै गएका छन् । नंया पार्टी प्रति आकर्षण वढीरहेको छ ।

भण्डारीले नेपाली कांग्रेसमा अव युवाको नेतृत्व हुनुपर्नेमा माग राखेका छन् । अब व्यवस्था परिवर्तनपछिको अवस्था परिवर्तनका लागि चांदीको धेरा भनेकै युवा नेतृत्व हो । यसलाई स्विकार गर्दै तपाई हामी अव नया. अभियानमा होमिनुपर्ने बेला आएको छ उनले भने ।

अहिलेको देश भित्र र वाहिर नेपाली माझ देखिएको नयां पार्टी प्रतिको आकर्षणलाई लक्षिण गर्दै भण्डारीले उक्त धारणा राखेका हुन् । उनले महामन्त्रीहरुले वैठकमा पेश गरेको प्रतिवेदन बढ्ता रक्षात्मक भएको पनि टिप्पणी गरेका छन् ।