अमेरिका । गैरआवासीय नेपाली संघ (एनआरएनए) का महासचिव गौरीराज जोशीले राष्ट्रिय स्वतन्त्र पार्टीका संस्थापक तथा सांसद् रवि लामिछानेको नेपाली नागरिकता विवादलाई नेपाल अधिराज्यको संविधानमा भएको मर्मअनुसार उदार भएर हेर्न आग्रह गरेका छन् । 

 

नेपालको संविधान र कानुनमा विदेशमा बस्दा त्यहाँ लिएको नागरिकता त्यागेपछि भइरहेको नेपाली नागरिकता कायम हुने उल्लेख भएको हुँदा यसको मर्मअनुसार यो विषयलाई हेर्नुपर्छ भन्ने मलाई लाग्छ जोशीले भनेका छन् । हालै सम्पन्न चुनावमा रवि लामिछानेले अत्याधिक मतसहित चुनाव जितेका थिए । यो चुनावको क्रममा रविको नागरिकता विवाद आएको थियो । 

 

रविले अमेरिका बस्दा अमेरिकी नागरिकता लिएका थिए । नेपाल फर्किएपछि उक्त नागरिकता त्यागेका थिए । महासचिव जोशीले चुनाव सकिएलगत्तै सांसद् रविसँगै जोडिएर आएको नागरिकता विवाद उनको मात्र होइन, विदेशमा बस्ने हज्जारौँ नेपालीसँग जोडिएको बताएका छन् । 

 

एनआरएनएको मुख्य माग नेपाली नागरिकताको निरन्तरता नै हो भन्दै जोशीले एनआरएनए यसका लागि पहल गरी नै रहनेसमेत बताएका छन् । 

 

नागरिकताको विषय उठाएर विदेशमा बस्ने नेपालीको राष्ट्रियता, नेपाल राष्ट्रप्रतिको मायालाई कम मूल्यांकन गर्दा विदेशमा रहेका ५० लाख नेपालीको भावनासँग खेलबाड पनि हुन्छ जोशीले भनेका छन् ।