काठमाडौँ । गत २४ घन्टामा ७२२६ जना कोरोना भाइरस (कोभिड १९) सङ्क्रमणमुक्त भएका छन् । नयाँ भेरियन्टसहितको कोरोना तीव्र रुपमा फैलिएका बेला बिहीबार सङ्क्रमितभन्दा निको हुनेको सङ्ख्या बढेको हो ।
यस अवधिमा ६९३९ नयाँ सङ्क्रमित थपिएको स्वास्थ्य तथा जनसङ्ख्या मन्त्रालयले जनाएको छ । यस अवधिमा नयाँ सङ्क्रमितभन्दा निको हुनेको सङ्ख्या बढी रहेको मन्त्रालयले आयोजना गरेको पत्रकार सम्मेलनमा जानकारी दिइयो ।
देशभरका प्रयोगशालामा २० हजार ४१४ नमुनाको पिसिआर परीक्षण गर्दा ६७३१ जना र ५७८ जनाको एन्टिजेन परीक्षण गर्दा २०८ जनामा सङ्क्रमण पुष्टि भएको छ । पछिल्लो २४ घन्टामा काठमाडौँमा १७३८, ललितपुरमा ३६४ र भक्तपुरमा २६५ जना थपिएको मन्त्रालयले जनाएको छ ।
योसँगै नेपालमा कोरोना भाइरस संक्रमितको कुल संख्या ५ लाख ४२ हजार २५६ पुगेको छ । जसमध्ये १ लाख १६ हजार ४७६ जना सक्रिय संक्रमित रहेका छन् ।
पछिल्लो २४ घन्टामा १०६ जनाको कोरोनाकै कारण निधन भएको छ । हालसम्म मृतकको सङ्ख्या ६९५१ पुगेको छ ।
प्रतिक्रिया