नेपाली काँग्रेसको विदेश स्थित भातृसँस्था जनसम्पर्क समिति अन्तर्गत न्युयोर्क च्याप्टरले भोटेकोशी बाढी पीडितकालागि सहयोेग रकम बुझाएको जनाएको छ । नेपाली जनसम्पर्क समिति न्युयोर्क च्याप्टरका सभापति दिनेश भण्डारीका अनुसार नेपाली काँग्रेसको बैक खातामा रकम जम्मा गरिएको हो ।

सभापति भण्डारीका अनुसार नेपाली काँग्रेसको केन्द्रीय विपद राहत व्यवस्थापन कोषममा अमेरिकी डलर १० हजार आठ सय ९१ र ११ सेन्ट अर्थात नेपाली रुपैयाँ १६ लाख ४९ हजार एक सय ३२ रुपैयाँ सहयोग गरिएको हो । सो रकम नेपाली काँग्रेस मार्फत प्रधानममन्त्री दैवी प्रकोप उद्धार कोषमा हस्तान्तरण गरिने भण्डारीले बताए । जनसम्पर्क समितिमा आवद्ध तथा शुभेच्छुकहरु मार्फत सहयोग रकम जुटाइएको बताइएको छ ।

नेपाली काँग्रेसले केही दिन अघिपनि प्रधानमन्त्री दैवी प्रकोप राहत कोषमा एक करोड रकम बुझाइसकेको छ भने काँग्रेसको विपत राहत व्यवस्थापन कोषमा विदेश स्थित संस्थाहरुबाट रकम जम्मा हुनेक्रमपनि निरन्तर छ ।

केही साता अघि रसुवाको भोटेकोशी नदीमा अकस्मात आएको बाढीका कारण एक हजार तीन सय ५७ जनाको मृत्यु पुुष्टि भइसकेको छ भने पाँच हजार तीन सय २६ जना नागरिक अझै वेपत्ता छन । छ हजार आठ सय २७ जना घााइते भएका थिए । उद्धार कार्य अझै जारी छ ।

हाइड्रो पावरका सुरुङमा पूरीएकाहरुको उद्धार कार्य अझै जारी छ । तिव्बती सिमाबाट आएको बाढीले रसुवा, नुवाकोेट, धादीङ, चितवन लगायतका जिल्लामा असर गरेको थियो । संसारका विभिन्न स्थानमा रहेका नेपालीहरुले नेपालमा आउने विपत्तिहरुमा व्यक्तिगत तथा विभिन्न संस्था मार्फत सहयोग गर्दै आएका छन ।