न्यूयोर्क । संयुक्त राष्ट्र संघले होमुज जल क्षेत्र खोल्ने इरानी घोषणाको स्वागत गरेको जनाइएको छ । घोषणाअनुसार संयुक्त राज्य अमेरिकासँग तय भएको युद्धविराम अवधिभर सबै व्यावसायिक जहाजहरूका लागि हार्मुज जलक्षेत्र पूर्णरूपमा खुल्ने छ ।

संयुक्त राष्ट्र संघका महासचिव एन्टोनियो गुटेरेसले विज्ञप्ति जारी गर्दै होर्मुज खोल्ने घोषणा सही कदम भन्दै यसको स्वागत गरेका छन् ।

उनले संयुक्त राष्ट्र संघको अडान स्पष्ट रहेको बताउँदै होर्मुजमा अन्तर्राष्ट्रिय जहाजको अधिकार र स्वतन्त्रता लगायतका सबै पक्षहरू पूर्णरूपमा पुनर्स्थापित र सम्मान गर्नु पर्ने बताएका छन् ।

उनले यी युद्धविरामकोआशा व्यक्त गर्दे यो कदमले द्वन्द्वरथ पक्षहरूबीच विश्वास निर्माण गर्न र पाकिस्तानको मध्यस्थतामा स्थायी युद्धविरामको लागि जारी वार्तालाई बलियो बनाउन योगदान पुग्ने बताएका छन् ।

संयुक्त राष्ट्र संघका प्रवक्ता स्टेफेन डुजारिकले मध्यपूर्वमा हालको द्वन्द्व समाधान गर्न शान्तिपूर्ण बाटो खोज्ने कूटनीतिक प्रयासहरूलाई पूर्णरूपमा समर्थन गर्ने महासचिवको प्रतिबद्धता पुष्टि गरेका छन् ।

अमेरिकी राष्ट्रपति डोनाल्ड ट्रम्पले यसअघि नै व्यावसायिक ढुवानीको लागि हार्मुज पूर्णरूपमा खोल्ने इरानीे घोषणाको स्वागत गरेको घोषणा गरेका थिए । क्युएनए