बेइजिङ । चीनको रक्षा मन्त्रालयले जापानलाई नव–सैन्यवादतर्फ “लापरवाह“ कदम चालेको आरोप लगाउदै अन्तर्राष्ट्रिय समुदायलाई “अत्यधिक सतर्क रहन आह्वान गरेको छ ।

चालु वर्षका प्रमुख सुरक्षा कागजातहरू संशोधन गर्ने र रक्षा उपकरणको निर्यातलाई नियन्त्रण गर्ने सिद्धान्तहरू संशोधन गर्ने छलफललाई गति दिने जापानी सरकारको योजनाको जवाफमा चिनियाँ रक्षा मन्त्रालयका प्रवक्ता झाङ सिया ओगाङले यस्तो टिप्पणी गरेका छन् ।

यसै वीच झाङले चीनले आफ्नो क्षेत्रीय सार्वभौमिकता र सुरक्षाको रक्षा गर्न सान्दर्भिक सैन्य कारबाही गर्दा घरेलु र अन्तर्राष्ट्रिय कानूनको पूर्ण रूपमा अनुपालन हुने गरी वैध र न्यायसंगत“ हुने गरी गरेको समेत उनले बताएका छन् ।

जापानको युद्धकालीन इतिहासको वास्तविकता उजागर गर्दै झाङले विगत नबिर्सिएको बताएका छन् । उनले जापानले पहिले आफ्नो अस्तित्वको खतराको दाबीलाई आक्रमणको युद्ध सुरु गर्ने बहानाको रूपमा प्रयोग गरी सैन्यवाद अवलम्वन गरेको आरोप लगाउदै यसको माध्यामबाट जापानले आफ्ना एसियाली छिमेकीहरू र विश्व विरुद्ध जघन्य अपराध गरेको जनाए ।

उनले जापानका दक्षिणपन्थी शक्तिहरूले बाह्य खतराहरूको बारेमा गरेको बयानबाजीलाई पुन: र्जीवित गरिरहेको जनाउदै सैन्य विस्तारको आडमा औचित्य प्रमाणित गर्ने र लुकेको राजनीतिक एजेन्डालाई पछ्याउने प्रयास गरिरहेको बताएका छन् ।

यसै विच झाङले अन्तर्राष्ट्रिय समुदायलाई अत्यधिक सतर्क रहन, नव–सैन्यवादतर्फ जापानको लापरवाह चालको दृढतापूर्वक विरोध गर्न र दोस्रो विश्वयुद्धको विजयी परिणाम र युद्ध पछिको अन्तर्राष्ट्रिय व्यवस्थालाई समर्थन गर्न आह्वान गरे ।

उनले जापान “गलत प्रयास गरी इतिहास उल्टाउने मार्गमा अघि बढेको चेतावनी दिँदै यस्तो अभ्यासले ठूलो हार बेहोर्ने बताए । सिन्ह्वा