अमेरिका- राष्ट्रिय स्वतन्त्र पार्टीले वंशजको नागरिकताको निरन्तरताकालागि नागरिक करार गरेको छ । नेपाली नागरिकताको निरन्तरता विदेशमा वस्ने नेपालीको प्रमुख मुद्दा हो । यसलाई अगाडी वढाउने रास्वपाले प्रतिवद्धता जनाएको हो ।

विदेशमा वस्ने नेपालीको वंशज नागरिकता निरन्तरताका लागि नागरिकता खोई अभियानका संयोजक बासुदेश घिमिरेले रास्वपाले देशको हित र विदेशमा वस्ने नेपाली दुवैको भावना वुझ्न सकेको वताए । दुई बर्ष देखी हामी वंशजको नागरिकता निरन्तरता हुनुपर्छ भनेर चिच्याईरहेको थिएं रास्वपाको नागरिक करारमा हाम्रो माग सुनुवाई भएकोमा म आज निकै खुशी छु घिमिरे भने ।
अरु उदारवादी पार्टीहरुले पनि हाम्रो मुद्दामा सकरात्मक हुनुहुन्छ घिमिरेले भने ।

जसले वंशजको नागरिकता निरन्तरता र विदेशमा वस्ने नेपालीको मुद्दालाई उठाउंदैन त्यस पार्टी र व्यक्तिलाई भोट नदिन, चुनावमा वहिष्कार गर्न म आग्रह गर्छु घिमिरे भने नागरिकता खोई अभियानले वंशजको नागरिकता निरन्तरताका लागि विगत दुई वर्ष देखी लविगं गर्दै आएको थियो । राजनीतिक पार्टीका नेता, नागरिक समाज, मिडियमा पटक पटक यसले देशलाई फाइदा हुने जानकारी दिदैं आएको थियो । यो मुद्दा विदेशमा वस्ने नेपालीको भन्दा पनि देशको आर्थिक विस्तारका लागि अत्यावश्यक भएको उक्त अभियानले दावी छ ।

अमेरिका युरोप, अष्ट्रेलिया वस्ने नेपालीले त्यहांको बसाईलाई सहज र सरल बनाउने विदेशी नागरिकता लिदैं आएका छन् । तर, नेपाली नागरिकता त्यागेका थिएनन । पुराना राजनीतिक पार्टी नेताको अनुदार सोचका लागि यसरी वाध्यतावश नेपाली नागरिकता लिने वंशजको नेपालीलाई विदेशी वनाईएको थियो । वंशजको नागरिकको नागरिकता कसरी खोस्न मिल्छ घिमिरेले भने हाम्रो प्रमुख मुद्दा यही हो ।

विदेशमा गएका नेपालीलाई नेपाल ल्याउन आवश्यक भएको अवस्थामा यति सानो कुरा पनि नबुझने व्यक्ति नेता हुनै योग्य हुदैंन नेतृत्व गर्न योग्य हुदैंन घिमिरेले भने ।

केही दिन अघि गुल्मी जिल्लाको एक चुनावी कार्यक्रममा रामकुमारी झांक्रीले विदेशमा वस्ने नेपालीलाई तुच्छ गाली गर्दै वुटबलम चना चटपटे विक्री गर्नेभन्दा फनि तल्लो स्तरको भनेकि थिईन ।

उनको यो भनाई प्रति व्यापक असन्तुष्ठि व्यक्त गरिएको थियो । उनीलाई वहिरष्कार गर्न र जहां जान्छिन त्यहां उनले भोट दिन भनेको उम्मेदवारलाई हराउनु पर्ने समाजिक संजालमा व्यापक वनाईएको थियो ।

राष्ट्रिय स्वतन्त्र पार्टीले चुनावका लागि सार्वजनिजक नागरिक करारको पांचौ बुंदामा प्रवासको विषय समेटेको छ । उक्त करारमा आजको अवस्था भन्दै लेखिएको छ विश्वव्यापी नेपाली माग पुंजीको खण्डित उपयोग, प्रवासी नेपालीको मताधिकार शुन्य, गैर आवासीय नागरिकताको फितलो कार्यान्वयन । त्यस पछि हाम्रो एजेण्डामा रास्वपाले भनेको छ विदेशमा वस्ने नेपालीहरुलाई अनलाइन मताधिकार, वंशजको नागरिकताकोे निरन्तरता, सार्वभौम डायस्पोरा फण्डको कार्यान्वयन, सरक्षित लगानी,सम्मानित देश फिर्ताको वातावरण,मर्यादित बैदेशिक रोजगारी ।

रास्वपाले विदेशमा वस्ने सवै नेपालीको मुद्दा सम्वोधन गर्ने प्रतिवद्धता जनाएको छ । जुन विदेशमा वस्ने नेपालीको मुख्य माग थियो ।

राष्ट्रिय प्रजातन्त्र पार्टी (राप्रपा)ले पनि वंशजको नागरिकतालाई निरन्तरता दिने मुद्दालाई स्विकार गरेको घिमिरेले वताए । राप्रपाको संकल्पमा वंशजको नागरिकताको निरन्तरता एक पटकको नेपाली संधैको नेपाली उल्लेख छ । कांग्रेसले पनि घोषणा पत्रमा यो मुद्दालाई राख्ने जानकारी पाएको घिमिरेले वताए ।