वाशिङ्गटन डिसी अमेरिका- विश्वभरि छरिएर रहेका नेपाली भाषा र साहित्यको क्षेत्रमा साधनरत साहित्यकार,लेखक तथा श्रष्टाहरुले नेपाली भाषा र साहित्यको उत्थानको लागि हातेमालो गरेर काम गर्न आग्रह गरेका छन् ।

उनीहरुले विदेशी भूमिमा वसेर नेपाली भाषा र संस्कृतिको विकास गर्दे भावी पिढीलाई समेत अभ्यस्त गराउन प्रयासरत रहेको वताए ।

शनिवार अमेरिकाको वाशिङ्गटन डिसीमा अन्र्तराष्ट्रिय नेपाली साहित्य समाज अनेसासको ११७ औ लक्ष्मी जयन्ती तथा पुरस्कार वितरण समारोहमा आयोजित कार्यक्रममा सहभागीहरुले यस्तो आग्रह गरेका हुन । कार्यक्रममा सहभागीहरुले नेपाली साहित्यका प्रवुद्ध लेखक , ख्यातिप्राप्त साहित्यकारहरु र साधकहरुले दशकौ अगाडिको परिवेशलाई समेटेर तयार पारेका कृतिहरुलाई अनुवाद गरेर भएपनि विश्व वजारमा पुरयाउन आग्रह गरेका थिए ।

कार्यक्रमलाई सम्बोधन गर्दे अमेरिकामा नेपाली मूलको पहिलो निर्वाचित साँसद डा डेलिगेट भण्डारीले डायस्पोरामा रहेका नेपालीहरुले नेपाली भाषा र साहित्यलाई विश्वव्यापीकरण गर्न महत्वपूर्ण भूमिका खेल्न सक्ने वताउनु भयो । भण्डारीले थप्नुभयो भाषा र साहित्यले नै प्रवासमा वसेका नेपालीहरुलाई एकताकोसुत्रमा आवद्ध गरेको छ यसलाई अझ व्यापक र विस्तृत वनाउन आवश्यक छ ।

गोरखा पत्र संस्थानका महाप्रवन्धक लाल ऐरीले लक्ष्मी प्रसाद देवकोटाको योगदानलाई भावी पिढीत सम्म पुरयाउन अहम भूमिका खेल्न अनुरोध गर्नु भयो । ऐरीले अगाडि भन्नुभयो विदेशी भूमिमा यसरी नेपाली कला साहित्य र स्रष्टाको वारेमा छलफल हुनु, पुरस्कार प्रदान गरिनु आफैमा एउटा महत्वपूर्ण विषय हो ।

विओटीका पूर्व अध्यक्ष डा श्याम कार्कीले भाषा र साहित्यको उत्थानको लागि अनवरत रुपमा काम गर्नेहरु र उनीहरुको योगदानले भाषा र संस्कृति जीवन्त राख्न मद्दत गर्ने वताउनु भयो ।

अनेसास विओटीका उपाध्यक्ष तीर्थराज पाण्डेयले अनेसासको माध्यमवाट प्रवासी भूमिमा भाषा र संस्कृतिको जगेर्ना गर्न निरन्तर लागि रहने प्रतिवद्धता जाहेर गर्नु भयो । पाण्डेयले थप्नु भयो हामीहरुले लेखक र श्रष्टाहरुको लागि हरेक दुई वर्षको अन्तरालमा करिव १२ हजार डलरको पुरस्कार प्रदान गरेर हौसला प्रदान गरेका छौं , संभवत यो विदेशी भूमिमा नेपाली भाषीको लागि नेपाली भाषीको तर्फवाट प्रदान गरिने सर्वाधिक राशीको पुरस्कार हो ।

विओटीका अध्यक्ष पदम विश्वकर्माले अनेसासको माध्यमवाट भाषा र साहित्यको क्षेत्रमा विभिन्न कार्यक्रम आयोजना गरेर मातृभूमि र प्रवासी भूमिलाई एकताको सुत्रमा बाँध्न प्रयत्नशील रहेको वताउनु भयो ।

अनेसास केन्द्रीय समितिका अध्यक्ष सर्वज्ञ वाग्लेले नेपाली भाषा र साहित्यको क्षेत्रमा काम गर्न अनेसासले आगामी दिनमा तथ्यांक र दस्तावेजीकरणलाई प्राथमिकतामा राखेको वताउनु भयो ।

कार्यक्रममा गोवद्र्धन पूजा, गीता खत्री,प्रकाश नेपाल, नारायण अधिकारी,राजु सिटौंला, विमला निरौला, सुदीपभद्र खनाल,नेत्रवन्धु पोख्रेल लगायतका व्यक्तित्वहरुले आ आफनो भनाई राख्नु भएको थियो , कार्यक्रममा ५२ जना कविहरुले आफनो कविता समेत वाचन गरेका थिए ।

कार्यक्रममा अनेसासले प्रदान गरिने विभिन्न विधाका पुरस्कारहरु अनेसास विओटीका पूर्व अध्यक्ष डा श्याम कार्कीले प्रदान गर्नु भयो । यसरी प्रदान गरिएका पुरस्कारहरु करिव ११ हजार ६ सय डलर भन्दा वढीको रकम वितरण गरिएको थियो । जस्मा दुई हजार एक सय डलर राशीको अनेसास सर्वोत्कृष्ठ पुरस्कार रोशन थापाको “सन्त्रासका साठी दिन” नामक उपन्यासले प्राप्त गरेको छ । अनेसास नन्दादेवी सर्वोत्कृष्ठ लोक साहित्य पुरस्कार रुकुमका लोक कथाका लेखक शशिराम कार्कीले प्राप्त गर्नुभयो, त्यसै गरी एक हजार डलर राशीका पुरस्कारहरु विभिन्न विधाका पुरस्कारहरु प्रदान गरियो । जसमा डायस्पोरा वाङ्गमय डा तुलसी आचार्यको स्वप्न भूमि, निवन्ध यात्रा पुरस्कार मोमिलाको निवन्ध संग्रह प्रश्नहरु बाँकी छन ,साँस्कृतिक अध्ययन विधाको डा दुर्गा वहादुर घर्तीलाई प्रदान गरिएको छ । अनेसास राष्ट्रकवि काव्य पुरस्कार कवि जगन्नाथ पौडेलको बग्दा बग्दै र कृसु क्षेत्रीको पसिनाको क्यानभासलाई प्रदान गरिएको थियो ।

उत्कृष्ठ कथा पुरस्कार कृष्ण कुसुमको कथा संग्रह पाश्र्व धुनलाई, उत्कृष्ठ कथा पुरस्कार अखण्ड भण्डारीको वोरा उपन्यासलाई , अनेसास गीत गजल पुरस्कार लक्ष्मण सिटौलाको गीत संग्रह धर्तीका ध्वनीलाई र अनेसास गीत, वाल साहित्य पुरस्कार वाल साहित्य यात्रामा देश की लेखिका विमला निरौलालाई प्रदान गरिएको थियो ।

यसैवीच विभिन्न साहित्यकार तथा पत्रकार , लेखकहरुलाई अमेरिकाका राज्य संसदले प्रदान गरेको प्रशंसापत्र मेरिल्याण्ड राज्यका डेलिगेट डा हयारी भण्डारीले प्रदान गर्नु भयो । उहाँहरुले नेपाली भाषा र साहित्यको उत्थानको लागि गर्नु भएको प्रयास र योगदानलाई मूल्यांकन गर्दे प्रशंसा पत्र ( साईटेशन) प्रदान गरिएको हो ।यसरी प्रशंसापत्र प्राप्त गर्नुहुनेहरुमा डा विजयराज शर्मा,भीम कार्की,वासु सत्याल, प्रकाश नेपाल ,गोविन्द गिरी प्रेरणा,भीम रेग्मी, नेजाका पूर्व अध्यक्ष विकास राज न्यौपाने, खेम भट्टचन,दिपा पुन राई, अनु शाह र रामप्रसाद खनाल रहेका छन् ।

कार्यक्रममा पुस्कृत व्यक्तित्व विकासराज न्यौपानेले आफूलाई मेरिल्याण्ड राज्य सरकारले प्रदान गरेको साईटेशन अझै थप उर्जा प्रदान गरेको वताउनु भयो । साथैं मलाई उपयुक्त ठानेर सिफारिश गर्नुहुने व्यक्तिहरु र डेलिगेट भण्डारीज्यूको कार्यालयसमेत आभार व्यक्त गर्दछु न्यौपानेले थप्नु भयो ।