टेक्सासमा तीन साता अघि एक जना नेपालीलाई गोली हानेर हत्यागरेको अभियोगमा दुई जनालाई म्यालिन काउण्टी प्रहरीले पक्राउ गरेको छ । गत जुलाई २८ मा सांझ करिव साढे ६ बजे स्टोरमा कार्यरत ३० बर्षका दिपक ओलीको गोली हानेर हत्या गरिएको थियो ।

स्थानिय टेलिभिजन च्यानल केडब्लु टेक्ससका अनुसार उक्त हत्यामा संलग्न भएको आरोपमा २२ बर्षका माथ्यु बेल्ट्न र २३ बर्षका मिचा ह्यारिस पक्राउ परेका हुन् ।

पक्राउ परेका ती अभियुक्तले त्यही दिन त्यसवरी परीका दुईवटा ट्रक स्टपपनि लुटेका थिए ।

टीभी समाचार अनुसार जुलाई २८ मा करिव साढे ६ वजे सांझ इर्मजेन्सी नम्बरमा आई ३५ एल्म मट स्टोरमा कामगर्ने व्यक्ति नभेटिएको सुचना दिईएको थियो । त्यहां प्रहरी पुग्दा स्टोर वाहिर दिपकको शव भेटिएको थियो । प्रहरीले अनुसन्धानका क्रममा क्यामरा हेर्दा ती लुटेराले रजिष्ट्ररवाट पैसा लिए पछि पछाडीको ढोकावाट भागेका दिपकलाई गोली हानेको देखिएको थियो ।

अनुहारमा कालो मास्क लगाएर आएका अभियुक्तले गोली चलाएका थिए । प्रहरीले अनुसन्धान गर्दै जांदा वाइकोमा दुईवटा ट्रक स्टप लुट्ने र त्यस नजिक दिपकको हत्या गर्ने एउटौ गाडीमा चढेको पत्ता लगाएको थियो ।

अनुसन्धानमा संलग्न प्रहरीले ती अभियुक्त चढेको गाडीको लाइसेन्स प्लेटका आधारमा उनीहरुलाई खोजी गरिरहेको थियो ।

पक्राउ परेका दुई जनाले अपराध स्विकार गरेको प्रहरीले जनाएको छ । उनीहरुलाई धेरौटीमा छुट्न नपाउने गरी हत्या र लुटपाटको अभियोगमा जेल पठाईएको छ ।

ती अभियुक्तले ट्रक स्टप भित्र पसेर सहयोगका लागि आग्रह गरेका थिए । त्यस पछि एकजनाले लुगा भित्र लुकाएको बन्दुक निकालेर पैसा मागेका थिए । त्यस पछि ती लुटेरा अर्को स्टोरमा लुट्न पुगेका थिए ।

नेपालको रुकुम घर भएका दिपक एक बर्ष अघि तल्लोवाटोवाट गैरकानुनी रुपमा अमेरिका छिरेका थिए । उनले त्यहां काम गर्दै अमेरिका आउंदा लिएको ऋण तिरिहेका थिए ।