न्यूयोर्क (अमेरिका) । अमेरिकी पूर्वराष्ट्रपति डोनाल्ड ट्रम्प अदालतबाट दोषी ठहरिएका छन् ।

सन् २०१६ मा राष्ट्रपति निर्वाचनको प्रचार प्रसारको क्रममा उनले एकजना पोर्नस्टारसँग सम्बन्ध राखेको र चुनावी प्रयोजनका लागि संकलन भएको चन्दाबाट रकम तिरेको विषयलाई लिएर न्यूयोर्कको अदालतले ट्रम्पलाई दोषी ठहर गरेको हो । अब ट्रम्पले जुलाईमा जेल जानुपर्नेछ ।

३४ वटा गल्ती गरेको र ढाँटेको अभियोगमा न्यूयोर्क राज्यको सर्वोच्च अदालतले ट्रम्पलाई दोषी ठहर गरेको हो । सन् २०१६ को चुनावी प्रचारको क्रममा ट्रम्पले सम्बन्ध राखेका पोर्नस्टार बाहिर आएपछि तिनलाई चुप लगाउन चन्दाको लागि संकलन भएको रकमबाट भुक्तानी गरिएको थियो । त्यतिखेर ती पोर्नस्टारलाई ट्रम्पको चुनावी क्याम्पेन फण्डबाट एकलाख ३० हजार डलर दिएर मुखबुजो लगाइएको थियो ।

अमेरिकी इतिहासमा डोनाल्ड ट्रम्प फौजदारी अभियोगमा दोषी प्रमाणित हुने पहिलो राष्ट्रपति भएका छन् । २० जना साक्षी एवं प्रत्यक्षदर्शीहरुसँग अदालतले लामो समयसम्म लिएको वयान र अनुसन्धानबाट पूर्ब राष्ट्रपति ट्रम्प दोषी ठहर भएका हुन् ।