न्यूयोर्क (अमेरिका) । एनआरएनए अमेरिकाको निर्वाचन नतिजा निर्वाचन समितिले सार्वजनिक गर्नु अघिनै बाहिर आएपछि अब यसलाई कसरी सार्वजनिक गर्ने भन्ने विषयमा विवाद आएको छ ।

निर्वाचन समितिलाई अनलाइन भोटिङ्गको जिम्मा पाएको भेरो कम्पनीले चुनाव सकिएको करिब दुइ घण्टाभित्रै नतिजा उपलव्ध गराएको थियो । तर, निर्वाचन समितिले यसलाई तत्काल सार्वजनिक नगर्दा यो नतिजा वाहिरिएको हो ।

स्रोतका अनुसार नतिजा प्राप्त भइसकेपछि निर्वाचन समितिका पदाधिकारीहरू लञ्च खान बाहिरिएका थिए । लञ्चबाट फर्केपछि सार्वजनिक गर्ने गरि उनीहरू गएकोमा त्यसैबीचमा नतिजा बाहिरिएको थियो ।

निर्वाचन समितिका एक सदस्यले अहिले बाहिर आएको नतिजा सही भएको बताए । अहिले निर्वाचन प्रमुख बासु फुलारा, भेरो कम्पनी र आईसीसीका अध्यक्षत्रय र महासचिवहरु बीच यस विषयमा छलफल भईरहेको बताईएको छ ।

नतिजा यसरी सार्वजनिक भएको विषयमा निर्वाचन प्रमुख बासु फुलाराले आपत्ती जनाएका छन् । आईसीसीका कुन पदाधिकारी मार्फत कसरी नतिजा वाहिर गयो भन्ने विषयमा पनि प्रश्न उठको छ । दुई बजे नतिजा लाइभ गर्ने भनेर तयारी गरेर नायगराफल्स स्थित होटेल सेराटनमा सवैलाई आउन भनिएको थियो ।

एनआरएनए अमेरिका निर्वाचन समितिले दुई बजे नतिजा सार्वजनिक गर्ने तयारी गरेको थियो । तर, यसको एक घण्टा पहिल्यै नतिजा वाहिर आएको थियो । स्रोतका अनुसार नतिजा सार्वजनिक नगरिएको विषयलाइ लिएर अहिले निर्वाचन समिति, अाइसिसी र एनसिसी अमेरिका विरूद्ध विरोधका स्वरहरू उठिरहेका छन् । जति ढिला भयो उति शंका र विरोध बढ्दै जाने अवस्था छ । एकातिर एकहजार ६ सय अाजीवन सदस्यहरूले मत हाल्न नपाएको विरोध चर्किरहेको समयमा बाहिर अाइसकेको नतिजा सार्वजनिक नहुनुले समिति विरूद्ध सदस्यहरूले शंका उपशंका गर्न थालेका छन् ।

टेक्ससमा गुरागाइः

यसैबीच प्राप्त पछिल्लो नतिजा अनुसार टेक्ससमा च्याप्टरमा दिपेन्द्र गुरागांईले चुनाव जितेका छन् । टेक्सास च्याप्टरमा अध्यक्षमा पाँच जना प्रत्याशी थिए । गुरागाइले चुनाव जितिसकेको स्रोतले पुष्टी गरेको छ ।