गत महिना न्युयोर्कको बफेलो र टेक्ससको युभाल्डेस्थित इलिमेण्ट्री स्कुलमा भएको नरसंहारको घटनामा संलग्न दुबै बन्दुकधारी १८वर्षीय भएको पाइएपछि अमेरिकी सरकार र संसदलाई बन्दुक किन्न पाउने उमेर बढाउन र किन्नु पूर्व गरिने ‘व्याकग्राउण्ड चेक’मा कडाई गर्न दबाव परिरहेको थियो। डमोक्रेट बाहुल्य तल्लो सदनबाट बन्दुक किन्ने उमेर १८ बाट बढाएर २१ बनाउने प्रस्ताव पारित भएपनि सिनेटमा त्यो विधेयक जस्ताको त्यस्तै पारित हुनेमा अझै दुविधा रहेको छ।