न्यूयोर्क – विश्वकै राजधानी मानिने न्यूयोर्क सिटीमा अस्वेत पूर्वप्रहरी अधिकृत एरिक एडम्सले नयां मेयर रुपमा कार्यभार सम्हाल्ने भएका छन् ।
मंगलवार भएको निर्वाचनमा आम नागरिकको सुरक्षा र सामाजिक क्षेत्रमा खर्च बृद्धि गर्ने मुद्दा उठाएका डेमोक्र्याट्स पार्टी आवद्ध एरिकले फराकिलो मतान्तरले मेयर हुने पक्का भएको हो । उनी अव न्यूयोर्कको ११० औं मेयर हुने छन् । न्यूयोर्कमा अस्वेत मेयर निर्वाचित भएको इतिहासमा यो दोस्रो पटक हो ।
एरिक प्रतिस्पर्धी रिपब्लिकन उम्मेदवार कुर्तिस सिल्वालाई पछाडी पार्दै मेयर हुन लागेका हुन् ।
न्यूयोर्क सिटी परम्परागत रुपमा डेमोक्र्याट्स पार्टीको प्रभाव क्ष्ँेत्र पनि हो । यहां विदेशी अप्रावासीको ठुलो प्रभाव पनि छ ।
न्यूयोर्कको कुइन्समा नेपाली समुदायसंग एरिक आडम्स
न्यूयोर्कमा बसोबास गर्ने अधिकांश नेपाली समुदायले पनि एरिकलाई समर्थन जनाएका थिए । उनका लागि नेपाली समुदायले पनि चुनाव प्रचार प्रसार गरेको थियो । उनले जनवरीको तेस्रो साता देखि पदभार सम्हाल्ने छन् ।
मेयर चुनावमा जित पक्का भएपछि उनले संचारमाध्यम संग भने , म सवैलाई थाहा दिन चाहान्छु म डिसवासर (भाडा माझ्ने काम) भए, सानैमा पक्राउ परे, रात्री स्कुल गए, मेल रुममा काम गरें ।
यस पटकको निर्वाचनमा शहरमा बढ्दो अपराध मुख्य मुद्दा भएको थियो । त्यसैले यो चुनावलाई महत्वपुर्ण मानिएको थियो । पुर्व प्रहरी अधिकृत भएकाले अपराध नियन्त्रण गर्ने मुद्दामा उनले मतदातालाई प्रभावित पार्न सकेका थिए ।
यस्तै विश्वकै चर्चित विश्वविद्यालय रहेको बोष्टन सिटीको मेयरमा मिचेल ऊ विजयी भएकी छिन् । ताइवानी मुलकी अमेरिकी मिचेले ३६ बर्षको उमेरमा बोष्टन सिटीको मेयरमा जित निकालेर इतिहास बनाएकी छिन् । बोष्टन सिटीमा एशियन मुलबाट मेयर हुने उनी पहिलो हुन् ।
उनी हार्वर्ड विश्वविद्यालयमा पढेकी थिईन । चर्चित सिनेट एलिजावेथ वारेन निकट मिचेल शिकागोमा बढेकी थिईन ।
प्रतिक्रिया