ड्यालस (टेक्सस)। टेक्ससको आलिङ्टन स्थित भेरिडिएन कम्युनिटीको आउँदो साता हुन लागेको होम ओनर्स एसोसिएसन (एचओए) को निर्वाचनमा नेपालीमुलका सूर्य थापाले उम्मेदवारी दिएका छन् । 

 

विगत ६ महिनादेखि भेरिडिएनमा नयाँ घर किनेर बसोबास गर्दै आएका थापा नेपाली समुदायमा चर्चित रियल्टर पनि हुन्। झण्डै तीनहजार घर रहेको भेरिडिएन कम्युनिटीमा दुइसय नेपाली परिवार छन् ।

 

एचओएको एक सदस्यका लागि १० जनाको उम्मेदवारी परेको छ । चुनाव अनलाइन मार्फत आउँदो सेप्टेम्बर २३ ३० सम्म हुनेछ । थापा भेरिडिएन कम्युनिटीमा उम्मेदवार हुने पहिलो र एकमात्र नेपाली हुन् । 

 

नेपालमा रहँदा पत्रकारिता मार्फत परिचय बनाएका थापा केही वर्ष न्यूयोर्क बसाइपछि विगत चार वर्षदेखि टेक्सस बस्दै आएका छन् ।