काठमाडौँ । फागुन २१ गते तोकिएको प्रतिनिधि सभा निर्वाचनका लागि निर्वाचन आयोगमा ८० दल दर्ता भएका छन् ।

आयोगका सूचना अधिकारी सुमन घिमिरेका अनुसार मंगलबार साँझसम्म ८० वटा राजनीतिक दलले दल दर्ताको निवेदन पेस गरेका छन् । प्रतिनिधि सभा सदस्य निर्वाचन प्रयोजनका लागि मङ्सिर १ देखि १० गतेसम्म समय तोकेको छ ।

उनका अनुसार मङ्सिर १ गते १२ वटा, २ गते पाँच, ३ गते आठ, ४ गते आठ, ५ गते सात, ७ गते १६, ८ गते आठ र ९ गते १६ वटा राजनीतिक दल दर्ता भएका छन् ।

बुधबारसम्म दल दर्ताको समय रहेकाले यो सङ्ख्या थप बढ्ने आँकलन गरिएको छ ।