टेक्सस (अमेरिका) । नेपाली नागरिकताको निरन्तरताको लागि क्रियाशील अभियान नागरिकता खोई अभियानले यही मार्च दोस्रो साता टेक्ससको ड्यालसमा अन्तर्क्रिया कार्यक्रम गर्ने भएको छ ।

गैरआवासीय नेपालीहरुले पहिले पाइसकेको वंशजको नेपाली नागरिकता नै कायम हुनुपर्ने मागलाई जनस्तरसम्म लैजान अमेरिकाव्यापी कार्यक्रम गर्ने क्रममा टेक्ससको ड्यालस र ह्युस्टनमा कार्यक्रम गर्न लागिएको अभियानका संयोजक वासुदेव घिमिरेले बताए ।

गैरआवासीय नेपाली संघलगायतका संस्थाहरुले नेपाली नागरिकताको निरन्तरताको लागि पैरवी गर्न नसकेको जनाउँदै अभियानले संसारभरि रहेका नेपालीहरुलाई जोड्नका लागि अन्तर्क्रिया गर्न लागेको हो । गैरआवासीय नेपाली संघलगायतका संस्थाहरुले नागरिकताको निरन्तरताको लागि खासै पैरवी गर्न नसकेकोले नागरिकता खोई अभियानले संसारभरि रहेका नेपालीहरुलाई जोड्नका लागि अन्तर्क्रिया गर्न लागेको कुरा उनले बताए ।

मार्च दोस्रो साता ड्यालसबाट सुरू हुने कार्यक्रम अमेरिकाका विभिन्न सहरहरुमा हुनेछन् । अभियानले मार्च १५ मा ड्यालस, मार्च १६ मा ह्युस्टन र मार्च २२ मा लसएन्जलसमा अन्तर्क्रिया कार्यक्रमको तयारी गरेको जानकारी दिएको छ । अन्य स्थानको कार्यक्रमको मिति भने केही समयपछि तोकिने जनाइएको छ ।