टेक्सस (अमेरिका) । नेपाली नागरिकताको निरन्तरताको लागि कृयाशील अभियान नागरिकता खोईले यही मार्च दोस्रो साता टेक्ससको ड्यालसमा अन्तरकृया कार्यक्रम गर्न लागेको छ ।

गैर आवासीय नेपालीहरुले पहिले पाइसकेको वंशजको नेपाली नागरिकतानै कायम हुनुपर्ने मागलाई जनस्तरसम्म लैजान अमेरिकाव्यापी कार्यक्रम गर्ने क्रममा टेक्ससको ड्यालस र ह्युस्टनमा कार्यक्रम गर्न लागिएको अभियानका संयोजक बासुदेब घिमिरेले बताए ।

गैर आवासीय नेपाली संघ लगायतका संस्थाहरुले नेपाली नागरिकताको निरन्तरताको लागि पैरवी गर्न नसकेको जनाउँदै अभियानले संसारभरि रहेका नेपालीहरुलाई जोड्नका लागि अन्तरकृया गर्न लागेको हो । गैरआवासीय नेपाली संघ लगायतका संस्थाहरुले नागरिकताको निरन्तरताको लागि खासै पैरवी गर्न नसकेकोले नागरिकता खोइ अभियानले संसारभरि रहेका नेपालीहरुलाई जोड्नका लागि अन्तरक्रिया गर्न लागेको कुरा उनले बताए ।

मार्च दोस्रो साता ड्यालसबाट सुरु हुने कार्यक्रम अमेरिकाका बिभिन्न शहरहरुमा हुनेछन् । अभियानले मार्च १५ मा ड्यालस , मार्च १६ मा ह्युस्टन र मार्च २२ मा लसएन्जलसमा अन्तरक्रिया कार्यक्रमको तयारी गरेको जानकारी दिएको छ । अन्य स्थानको कार्यक्रमको मिति भने केही समयपछि तोकिने जनाइएको छ ।