पश्चिम सिड्नीस्थित एक बहुतल्ले अपार्टमेण्ट (पारामाट्टा) को सातौं तल्लाको बाल्कोनीबाट खसेर एक नेपाली नर्सको मृत्यु भएको स्थानीय समाचार डेली मेलले जनाएको छ। जनवरी २ को बिहान करिब १.४५ तिर उनी सो अपार्टमेण्टको बाल्कोनीबाट खसेकी हुन्। करिब दुईवर्ष अघि मात्र लब्रिन्द सुवेदीसंग विवाह-बन्धनमा बाँधिएकी दीक्षा दाहालको भाइ सशान्तका अनुसार त्यो एकदमै दुखदायी दुर्घटना थियो।

नयाँ वर्षको खुसी सेलाउन नपाउँदै अष्ट्रेलियामा बस्ने नेपालीहरुले भयानक दुर्घटनाबाट नेपाली समुदायको एक सदस्य गुमाउनु परेको छ। सो घटनाको प्रहरीले अनुसन्धान गरिरहेको स्थानीय समाचारहरुले जनाएका छन्।