टेक्सस । चितवनको खैरहनी नगरपालिकाका उपप्रमुख कविता उप्रेतीले शुभकामना सन्देश दिँदै अमेरिका–चितवन सम्पर्क मञ्चले सेप्टेम्बर १५ मा अमेरिकाको टेक्सस राज्यको ड्यालसमा आयोजना गर्न लागेको पिकनिक कार्यक्रमको सफलताको कामना गरेकी छन् ।

सो पिकनिक कार्यक्रमले विदेशमा रहेका चितवनवासीबीचको आपसी स्नेृह, भाइचारा र मित्रताको सम्बन्धलाई अझै बलियो बनाउने विश्वास व्यक्त गरेकी छन् । यस प्रकारका कार्यक्रमबाट नेपालीपन, परम्परा र संस्कृति झल्काउन मद्दत पुग्ने बताउँदै हरेकले आफ्नो थातथलोप्रतिको माया र इमानदारितालाई प्रेरित गर्ने उनको भनाइ छ ।

पिकनिक कार्यक्रमका आयोजक तथा सहभागीहरुप्रति बधाई तथा सफलताको शुभकामना व्यक्त गर्दै आउँदै गरेको विजयादशमी, शुभदीपावली तथा छठपर्वको समेत शुभकामना व्यक्त गरेकी छन् । चाडपर्वमा सबैमा शान्ति, समृद्धि र भाइचाराको भावना विकास गराओस् भन्ने शुभेक्षासमेत उनले प्रकट गरेकी छन् ।

अमेरिकामा पाँच लाख नेपालीमध्ये सबैभन्दा बढी बसोबास गर्ने राज्य टेक्सस हो । टेक्ससमा एक लाख बढी नेपाली बसोबास गर्ने बताइन्छ ।