पेन्सलभेनिया (अमेरिका) । चुनावी प्रचार प्रसारको लागि एउटा ऱ्यालीमा सहभागी पूर्व राष्ट्रपति डोनाल्ड ट्रम्पमाथि गोली प्रहार भएको छ । गोलीबाट उनको दाहिने कानबाट रगत बगेको तस्बिरहरु अहिले सञ्चार माध्यमहरुमा आइरहेका छन् ।

ट्रम्पको अवस्था अहिले सामान्य रहेको जनाइएको छ । मञ्चमा भाषण गरिरहेका ट्रम्पलाई गोली हान्ने व्यक्ति को हुन् भन्ने बारेमा अहिलेसम्म केही सार्वजनिक भएको छैन । गोली प्रहारपछि घाइते ट्रम्पलाई तत्कालै सुरक्षाकर्मीहरुले अस्पताल पुऱ्याएका थिए ।

गोली प्रहार गरेर राजनीतिक हिंसा सुरुवात गरेकोमा अमेरिकामा सबै तिरबाट निकै चिन्ता व्यक्त गरिएको छ । तर कस्ले र के कारणले गोली हानेको हो भन्ने बारेमा केही स्पष्ट हुन सकेको छैन । पछिल्लो समाचारहरुका अनुसार ऱ्यालीमा सहभागी एकजना र गोली हान्ने व्यक्ति समेत मारिएको जनाइएको छ। सन् २०१७ देखि २०२० सम्म राष्ट्रपति रहेका ट्रम्प यसपटक पनि उम्मेदवार हुने तयारीमा छन् ।

बाईडेनद्वारा दुःख व्यक्त
अमेरिकी राष्ट्रपति जो बाइडेनले पूर्व राष्ट्रपति डोनाल्ड ट्रम्पमाथि भएको गोली प्रहारको घटनाप्रति दुःख व्यक्त गर्दै अमेरिकामा राजनीतिक हिंसा सैह्य नभएको दोहोऱ्याएकाछन् ।

राष्ट्रपति बाइडेनले राजनीतिक हिंसालाई बिरामी मानसिकताको उपज भन्दै ट्रम्पको अवस्था सुरक्षित रहेकोमा आफू खुशी रहेको समेत उल्लेख गरेकाछन् ।

सं- समाचार अपडेट गरिएको