काठमाडौँ । पर्यटन तथा नागरिक उड्डयन मन्त्रालयअन्तर्गतका विभिन्न संघसंस्थाले चार करोडभन्दा बढी रकम प्रधानमन्त्री दैवीप्रकोप राहत कोषमा सहयोग गरेका छन् ।

बुधबार बिहान बालुवाटारमा पर्यटनमन्त्री सुदन किरातीको नेतृत्वमा आएको प्रतिनिधिमण्डलले प्रधानमन्त्री पुष्पकमल दाहाल ञप्रचण्डझ लाई भेटी सहयोग रकम हस्तान्तरण गरेका हुन् ।

यसरी सहयोग गर्नेहरुमा नागरिक उड्डयन प्राधिकरण, नेपाल वायु सेवा निगम, पर्यटन बोर्ड, पशुपति क्षेत्र विकास कोष, नेपाल पर्वतारोहण संघ, लुम्बिनी विकास कोष रहेका छन् । त्यसैगरी गोरखा ब्रअरी प्रालिले पनि राहत कोषमा एक करोड रुपैयाँ सहयोग गरेको छ ।