इजरायल । प्यालेस्टाइनी लडाकूहरूले गाजा पट्टीबाट हवाई, समुद्र र स्थलमार्ग हुँदै इजरायलविरुद्ध ‘युद्ध’ सुरू गरेका छन् । सो आक्रमणमा कम्तीमा २२ जनाको मृत्यु भएको शनिबार इजरायली अधिकारीहरूले बताएका छन् ।

इजरायली चिकित्सकहरूले २२ जनाको मृत्यु भएको पुष्टि गरेका छन् । घटनामा दर्जनौँ व्यक्ति घाइते भएको इजरायली सञ्चारमाध्यमले जनाएका छन् ।
इजरायली प्रधानमन्त्री बेन्जामिन नेतन्याहूले ‘आफूहरू युद्धमा रहेको’ भन्दै कडा प्रतिकारको चेतावनी दिँदै सैन्य भण्डारलाई व्यापक रूपमा परिचालन गर्न आदेश दिएका छन् । उनले भने, “यो आक्रमणको लागि शत्रुले अनपेक्षित मूल्य चुकाउनु पर्नेछ ।”

गाजा पट्टीलाई नियन्त्रण गर्ने इरान समर्थित हमासले एक भिडियो जारी गरेको छ जसमा उसका लडाकुहरूले सादा पोशाकमा सजिएका तीन जनालाई समातेको र भिडियो क्याप्सनमा ‘शत्रु सैनिक’ को रूपमा वर्णन गरिएको छ ।

हमासको सशस्त्र शाखा इजेदिन अल–कासम ब्रिगेडले भनेको छ, “हामीले इजरायलद्वारा कब्जा गरिएका सबै अपराधहरू अन्त्य गर्ने निर्णय गर्‍यौँ । जवाफदेही नबनाई विद्रोह गर्ने उनीहरूको समय सकिएको छ ।”

“हामीले ‘अपरेशन अल अक्सा फ्लड’को घोषणा गर्‍यौँ र हामीले २० मिनेटको पहिलो आक्रमणमा पाँच हजारभन्दा बढी रकेट प्रहार गर्‍यौँ ।”

इजरायली सेनाले प्यालेस्टिनी लडाकूसँग गाजापट्टी नजिकका विभिन्न स्थानमा लडिरहेको जनाएको छ । सेनाले प्रतिरक्ष कारबाहीलाई ‘फलामको तरबार’ नाम दिएको छ । सेनाका प्रवक्ता रिचार्ड हेक्टका अनुसार लडाकूहरूले प्याराग्लाइडर, समुन्द्र र जमिनबाट संयुक्तरूपमा आक्रमण गरेका थिए ।

इजरायलीहरू समातिएका छन् भन्ने खबरहरूप्रति उनले खासै चासो व्यक्त गरेनन् । सामाजिक सञ्जालमा आएका अपुष्ट भिडियोमा सेनाको पोसाक लगाएका कैयौँ व्यक्तिको शव, राजमार्गमा मरेका सवारी चालक र यात्रुको शव देखिएको छ ।

इजरायली सञ्चारमाध्यमका अनुसार दुई वर्षको बच्चालाई आश्रय दिइरहृका छन् । एक महिलाले आफ्नो घरमा आतङ्ककारीहरूले गोली हानेर उनीहरूको सुरक्षित कोठाभित्र पस्न खोजेपछि ‘कृपया सहयोग पठाउनुहोस् ’ भनी बिन्ती गरेकी थिइन् ।

सन् २००७ मा हमासले कब्जा जमाएपछि २३ लाख मानिसको बसोबास रहेको गाजामा आतङ्ककारीको घुसपैठ विरलै भएको छ । गाजालाई इजरायलबाट सैन्यीकृत सीमा अवरोधद्वारा बन्द गरिएको छ ।

गाजाबाट करिब दुई हजार २०० को सङ्ख्यामा रहेको गाजाबाट आएको रकेट ब्यारेजले गाजाबाट करिब १० किलोमिटर उत्तरमा रहेको इजरायली शहर अश्केलोनमा रहेका आवासीय भवनमुनि कारहरू जलिरहेको हेक्टले बताएका छन् ।

इजराइली सहरका मेयरको मृत्यु

शनिबार बिहान हमासले गरेको घातक रकेट आक्रमणमा परी शार हानेगेभ क्षेत्रीय काउन्सिलका प्रमुख (मेयर) ओफिर लिब्स्टेनको मृत्यु भएको स्थानीय स्रोतलाई उद्धृत गर्दै टाइम्स अफ इजराइलले बताएको छ ।

“आतङ्कवादीको आक्रमणको बेला सहरको रक्षा गर्न गएका ओफिर मारिए”, काउन्सिलको विज्ञप्तिलाई उद्धृत गर्दै समाचारमा भनिएको छ । उनको मृत्युपछि काउन्सिलका उपप्रमुख योसी केरेनलाई अन्तरिम प्रमुख बनाइएको छ ।

पछिल्लो समाचारअनुसार हमासको रकेट आक्रमणमा परी कम्तीमा २२ जनाको मृत्यु भएको र एक सयभन्दा बढी घाइते भएका छन् ।

मध्य तथा दक्षिण इजराइलमा शनिबार बिहान साढे तीन घन्टासम्म व्यापक रकेट हमला भएको थियो । यसबाहेक हमासले पाँच जना इजराइल डिफेन्स फोर्स (आइडिएफ) का सैनिकलाई अपहरण गरेको दाबी गरेको जेरुसेलनम पोस्टले बताएको छ । आइडिएफले भने त्यसको पुष्टि गरेको छैन ।

हमासको आक्रमणपछि आइडिएफले गाजापट्टीमा जवाफी हमला गरेको छ । एएफपी/रासस