ड्यालस (टेक्सस) । नेपालबाट अमेरिका आएका वृद्ध बा आमाहरुका लागि लक्षित गरेर आउँदो महिना ड्यालसमा बुबा आमा पिकनिक कार्यक्रम हुने भएको छ ।

ड्यालसका सकृय युवाहरुको आयोजनामा बुबा आमा पिकनिक आयोजना हुन लागेको हो । केही वर्ष अघि सुरु भएको यो कार्यक्रम कोभीडका कारण दुई वर्षदेखि रोकिएको थियो ।

यसपटकदेखि यो कार्यक्रमलाई निरन्तरता दिँदैछौ आयोजक मध्यका एक सकृय युवा जुविन राजभण्डारीले हिमालयखबरसँग भने । यही अमेरिकामा रहेका वृद्ध बुबा आमा, हजुर बा, हजुरआमा लगायतलाई एक आपसमा भेटघाट गराउने, नेपालबाट घुम्न र परिवारलाई भेट्न अमेरिका आएका बुबा आमाहरुलाई समेत नेपालको न्यास्रो लाग्न नदिने उद्वेश्यले यो कार्यक्रम आयोजना गरिएको हो ।

आउँदो अप्रिल १५ तारिक शनिबार कोपेल सिटीको एन्ड्ु ब्राउन पार्कमा कार्यक्रम हुन समेत राजभण्डारीले जानकारी दिए । कार्यक्रममा सहभागीले कुनै शुल्क तिर्नु नपर्ने र बुबा आमाका लागि शुद्ध मनोरञ्जन, एकआपसमा चिनजान गराउने, न्यास्रो मेटाउने लक्ष्यले मात्र कार्यक्रम आयोजना गरिएको हो ।

कार्यक्रममा सहभागी हुनका लागि जुबिन राजभण्डारी (मोबाइल नम्बर ८१७-६०९-०८९३) वा जीवन घिमिरे (मोबाइल नम्बर ८३२-२८८-०७२७) लाई सम्पर्क गर्न सकिनेछ ।