प्रवास

न्युयोर्कको बाढीमा एकै परिवारका तीन नेपालीको ज्यान गयो

मृतकका दाजु मर्माहित हुंदै भन्छन “पीडालाई कसरी सहनु”

प्रकाशित |
हिमालय खबर, न्युयोर्क - न्युयोर्कमा विनाशकारी आइडा आँधीले एकै परिवारका तीन जनाको ज्यान लिएको छ । बुधवार राती आएको आँधीले न्युयोर्कको क्वीन्सस्थित वुडसाइडमा बस्ने आङ गेलु लामा, उनकी श्रीमती मिमिा याङ्ज लामा र १९ महिनाका छोरा लोव्सङ लामाको आफ्नै अपार्टमेन्टमा ज्यान गएको हो । उनीहरु बस्दै आएको मिनि बेसमेन्ट अपार्टमेन्टमा बाढी पसेको जनाइएको छ । बाढीको कारण करेन्ट प्रवाह भइ उनीहरुको मृत्यु भएको आशंका गरिएको छ । 
 
लामाको मृत्युले भावविह्वल बनेका दाजुले उनको दुखद खबर विहान मात्र पाएको बताए । अत्यन्तै मिलनसार लामा १५ बर्षदेखि न्युयोर्क बस्दै आएको बताए । उनीहरुउनीहरु नेपालमा सोलुखुम्बु जिल्ला दुधकुण्ड नगरपालिका जुनबेशीका रहेको बताए । 
न्युयोर्कमा आँधीका कारण अन्य धेरै नेपालीहरु प्रभावित बनेको बताइएको छ । न्युयोर्कमा आइडा आँधीबाट प्रभावित नेपालीहरुको तथ्यांक निकालिसकेपछि उद्धारका लागि खटिने नेपाल आदिवासी जनजाति महासंघद्ध अमेरिका फिप्नाका अध्यक्ष लोक चेम्जोङले जनाए । चेम्जोङले फिप्ना मार्फत आँधीबाट मृत्यु भएका लामा परिवारप्रति समवेदना व्यक्त गर्दै पीडित परिवारको लागि पहलका लागि अमेरिकावासी नेपाली समुदायसंग आग्रह गरेका छन । 
 
त्यसैगरी एनआरएनए अमेरिकाका सल्लाहकार तथा बरिष्ठ समाजसेवी विरेन्द्रजंग केसीलेपनि शोक वक्तव्य जारी गर्दै मृृतकप्रति समवेदना प्रकट गर्दै शोकाकुल परिवारमा सहानुभुती जनाएका छन । केसीले नपाली समुदायमा परेको यो दुख प्रवासका सबै नेपालीको सामुहिक पीडा भएकोले शोकाकुल परिवारलाई जुनसुकै सहयोग गर्न तयार रहेको भन्दै मृतात्माको शान्तिका कामना गरेका छन । 
 
त्यस्तै गिरीजाप्रसाद कोइराला फाउण्डेसन अमेरिकाका अध्यक्ष सोमनाथ घिमिरेलेपनि एक विज्ञप्ति जारी गर्दै मुतक लामाको परिवारप्रति गहिरो समवेदना प्रकट गर्दै शोकाकुल परिवारप्रति सहानुभुति प्रकट गरेका छन ।
न्युयोर्कस्थित नेपाली समुदायका अगुवाहरुले पनि सामाजिक सञ्जाल मार्फत समवेदना व्यक्त गर्दै परिवारजनमा धैर्य धारणको कामना गरेका छन ।   

त्यसैगरी न्युयोर्कका स्थानीय अखवार तथा अनलाइन  समाचारमा पनि मृतक लामाको परिवारप्रति गहिरो समवेदना सहितको समाचार प्रकाशित भएका छन । न्युयोर्कको न्युयोर्कको चर्चित अखवार न्युयोर्क पोष्टले हर्ट ब्रेकिङ इन एनवाइसी शिर्षकमा लामाको परिवार र उनीहरुको मृत्युको समाचार छापेको छ । त्यसैगरी न्युयोर्क डेली न्युजलेपनि लामा परिवारको मृत्युको खवरलाई प्राथमिकताका साथ प्रकाशित गरेको छ । न्युयोर्कबाट सञ्चालिन अंग्रेजी भाषाका टेलीभिजनहरुले पनि लामा परिवारको शोकमा समाचार प्रशारण गरिरहेका छन । 
 
न्युयोर्कमा मृतकको संख्या कम्तीमा १३ पुग्यो 
 
अकस्मात आएको बाढी र आँधीका कारण न्युयोर्क शहरमा कम्तीमा १३ जनाको मृत्यु भइसकेको पुष्टि भएको छ । आइडा आँधीले ल्याएको बाढीका कारण एकैपरिवारका तीन जना नेपाली सहित क्वीन्सकै जमैकामापनि एक २२ बर्षीय युवा र उनकी ४५ बर्षीया आमा, क्वीन्सको एक अपार्टमेण्टमा बसोबास गर्ने ८६ बर्षीय पुरुषको पनि बाढीमा डुबेर मृत्यु भएको छ । त्यस्तै न्युयोर्कको ब्रूकलिनका ६० बर्षीय व्यक्ति, ४० बर्षीया महिला, कोपनि मृत्यु भएको छ । मृतकहरुमध्ये धेरैजसो जमिनमुनीको तलामा बसोबास गर्दै आएका थिए। न्युयोर्क राज्यले बालकहरुलाई जमिनमुनीको तलामा बस्ने अनुमति दिंदैन तरपनि सस्तो अपार्टमेण्ट पाएपछि आर्थिक अवस्था कमजोर हुनेहरु जमिनमुनीको तलामा बस्दै आएका छन । 
 
आइडाको बाढीका कारण यातायातसेवा अझै पुर्ण रुपमा चलेनन, लाखौंको घरमा बिद्युत छैन  
 
बुधवार राती आएकोे आइडा आँधीले न्युयोर्क शहरको यातायता सेवा निकै प्रभावित भएको छ भने बस सेवा पनि पुर्णरुपमा अझै सुचारु हुन सकेको छैन । न्युयोर्कको मेट्रो रेल र बससेवा अधिकांश स्थानमा अनिश्चित समयकालागि बन्द गरिएको थियो भने अहिले आंशिक चल्न थालेको छ ।  न्युयोर्कका जमिनमुनी चल्ने रेलका लिकमा पानी जमेका कारण कतिपय यात्रुहरु बुधबार राती देखि रेलमै अडकिएका थिए । 
 
त्यस्तै बाढीको कारण बिजुलीसेवा पनि निकै प्रभवितत बनेको छ । लाखौ जनता बिजुलीको अभावमा बसीरहेका छन । विद्युत विभागले सेवा छिटैनै सञ्चालनमा ल्याइने जनाएको छ । 
 
न्युयोर्कमा आइडा आँधीले जनजिवन अति प्रभावित भएपछि गभर्नर क्याथी होचुलले स्टेट अफ इमर्जेन्सी जारी गरेकी छिन । सकेसम्म घरमै रहन र बाहिर ननिस्कन अपिल पनि गरेकी छिन । त्यसैगरी न्युयोर्क शहरका मेयर बिल डे ब्लाजिओलेपनि स्टट अm इमर्जेन्सी जारी गरेका छन । 
 
बुधबार रातीदेखी परेको पानी ६ देखि ८ इन्च सम्म रहेको मौसम विभागले जनाएको छ । त्यसैगरी न्युयोर्कमा अहिलेसम्म यतिधेरै पानी नपरेको जनाइएको छ ।
 

यो पनि पढ्नु होला>> आन्तरिक राजनीतिको गोटी बनाइदैछ एमसिसीलाई । जनताबीच एक आपसमा लडाउने र भीडाउने हतियार बनाइदैछ एमसिसीलाई -रामचन्द्र भट्ट

- हिमालयखबर संवाददाता, न्युयोर्क

- हिमालयखबर संवाददाता, न्युयोर्क -

थप »

यो खबर पढेर तपाईलाई कस्तो महसुस भयो ?

प्रतिक्रिया