काठमाडौँ । अभिनेता दिलीप रायमाझीलाई पितृशोक परेको छ । उनका बुबा आनन्दकुमार रायमाझीको ७८ वर्षको उमेरमा शुक्रबार राति कीर्तिपुर अस्पतालमा निधन भएको हो ।

उनी लामो समयदेखि विभिन्न स्वास्थ्य समस्यासँग जुधिरहेका थिए । बुबाको स्वास्थ्य अवस्था चिन्ताजनक भएपछि अमेरिकामा रहेका दिलीप शुक्रबार राति काठमाडौँ आइपुगेका थिए । दिलीपका बुबाको पार्थिव शरीरलाई शनिबार पशुपति आर्यघाटमा अन्त्येष्टि गरिएको छ ।