टेक्सस (अमेरिका) । नेप्लिज बुद्धिस्ट ऐशोसिएसन टेक्सस र नेपाली सांस्कृतिक तथा अध्यात्मिक केन्द्र आउँदो बुद्ध जयन्ति तीन दिने विशेष कार्यक्रमका साथ मनाउने भएको छ।

मे १९ आइतबार यूलेस स्थित नेपाली मन्दिरको प्राङ्गणमा बिहान ९ बजे प्रभातफेरी सहित कार्यक्रम सुरु हुनेछ। उक्त प्रभातफेरी मन्दिरको हलमा पुगेर धार्मिक सभामा रुपमा परिणत हुनेछ । त्यसपछि भन्ते शान्तदेवबाट बुद्ध पुजा, परित्रण पाठ, धर्म देशना र बज्राचार्य गुरुजु उत्तम गुरुजुबाट गुरु मण्डला पुजा समेत हुनेछ ।

उक्त कार्यक्रमको लागि बुध्दिष्ट एशोसिएसनले नेपाली समाज टेक्सास, ड्यालस बुद्ध लायन्स क्लब र तामाङ्ग सोसाइटी अफ टेक्सससँग सहकार्य हुने जनाइएको छ । उक्त प्रभातफेरी कार्यक्रममा यूलेस सिटीका मेयर, काउन्सिलम्यानहरू तथा टेक्सास स्टेटका सांसदहरुको पनि उपस्थिति हुनेछन् ।

दोश्रो दिनको कार्यक्रम मे २३ बुद्ध पुर्णिमाका दिन यूलेस स्थित नेपाली मन्दिरको प्राङ्गणमा बेलुकी ५ बजेबाट भन्ते शान्तदेवबाट बुद्ध पुजा, विपस्यना ध्यान, परित्रण पाठ, धर्मचक्र प्रबर्तन शुत्र पाठ र धर्म देशना हुनेछ ।

त्यस्तै तेश्रो दिनको कार्यक्रम जूम मार्फत नेपालको ठोरी गाउँपालिका तथा मादी नगरपालिकाको सहभागितामा अन्तरक्रिया कार्यक्रम हुनेछ ।