सुजिव दुई बर्ष अघि पढ्न गएको अहिले त टेक्ससमा मजाले काम पाएको छ पैसा पनि कमाएको छ यस्ता उदाहरण नेपालमा सुन्ने र सुनाउने पनि छन् । तर, यो उदाहरण पुर्ण सत्य भने होइन । हुदैंन भन्ने पनि होइन । तर, शुरुका दिनका अमेरिकामा बसाई सजिलो मात्र होइन कठिन पनि छ । विशेष गरी नेपालमा १२ कक्षापास गरेर आउने विद्यार्थीका लागि अमेरिका पढाई सजिलो छैन ।

यदी तपाई १२ कक्षा पास गर्नु भएको छ, एक दुई बर्ष नेपालवाट खर्च ल्याएर पढ्न सक्ने आर्थिक अवस्थ छैन र पढाईमा विशेष क्षमता छैन भने ब्याचलर गरेर मात्र अमेरिका आउंदा सजिलो पर्छ ।

अमेरिकामा आएर कमाउंदै पढ्छु भन्नु सजिलो छैन । कलेजका लागि फि जुटाउन धेरै काम गर्नु पर्ने हुन्छ । यसरी काम गर्दा क्लासमा जाने समय हुदैंन । विद्यार्थीले शुरुमा पाउने भनेको स्टोर लगायतका ठाउंमा सानो तिनो काम हो । त्यहां घण्टाको हिसावले पैसा पाइन्छ । टेक्ससमा प्रति घण्टा न्युनतम पारिश्रमिक साढे सात अमेरिकी डलर मात्र छ । तर, स्टोरले काम गर्दा प्रति घण्टा १०, १२ डलर दिन्छन् । तर, यहांको कानुनअनुसार काम गर्न वर्क परिमिट चाहिन्छ । जुन अन्तराष्ट्रिय विद्यार्थीले पाउंदैनन् । १२ डलरमा साताको पांच दिन ८ घण्टा काम गर्दा ४सय ८० डलर हुन्छ । यसलाई पनि राम्रो कमाई मान्नुपर्ने हुन्छ । तर, यसरी काम गर्दा पढ्ने समय भने हुदैंन । कलेज शहरभन्दा केही पर छ भने काम पाउन कठिननै हुन्छ । यो आम्दानीले पनि कलेजको फि, यहांको बसाई धान्नै कठिन हुन्छ ।

पढ्न भन्दा खर्च जुटाउन काम तिर लाग्दा समयमा पढाई सकिदैंन । यो अवस्थामा १०, १२ बर्ष हुदां पनि पढाई नसक्नेहरु थुप्रै नेपाली छन् । तर, कुनै विद्यार्थी पढ्न निकै राम्रो छ भने कलेजले केही सुविधाहरु भने दिन्छ । तर, यो कममात्रले पाउंछन् ।

खर्च जुटाउन नसक्दा कलेज जान छाडेर काम गर्दै गरेका थुप्रै नेपाली विद्यार्थी भेटिन्छन् । कलेज नगएकाले आउट अफ स्ट्याटस हुने पनि थुप्रै छन् । आउट अफ स्ट्याटस भएपछि नेपाल गए आउन पाइंदैन । यहांको बसाई पनि गैर कानुनी हुन्छ ।

ब्याचलर गरेर आउंदा काम पाउने संभावना पनि बढ्छ । संघर्ष गर्ने उमेर पनि भएको हुन्छ । परिवारको आर्थिक अवस्था राम्रै छ र २ बर्ष जतिको फि जुटाउन कठिन छैन भने १२ कक्षा सकेर आउंदा पनि हुन्छ ।

अर्को दलालको लहै लहैमा लागेर विभिन्न देश हुदैं अमेरिका आउनु हुदैंन । यो ज्यान र धन दुवै जोखिममा पार्ने काम हो । तपाई कयौं देश हुदैं ५, ६ महिना लगाएर अमेरिका छिर्न पनि सक्नु हुन्छ तर, यो सजिलो होइन । निकै जोखिम हुन्छ । ५०, ६० लाख रुपैंया खर्च हुन्छ । ज्यानको जोखिम रहन्छ । वाटोमा पक्राउ परेर नेपाल फर्किएका थुप्रै उदाहरण छन् । यहां सम्म आउंदा खर्च भने भईसकेको हुन्छ । जुन फिर्ता हुदैंन । कानुनी परामर्स दिईरहेका नेपाली अधिवक्ताका अनुसार अहिले टेक्ससमा यसरी आउनेको संख्या निकै वढेको छ ।

म पनि भन्छु यसरी हिडेंर नआउंदा हुन्छ एक जना अधिवक्ताले भने ।

भिषा नलिई हिडेर आउनेले अमेरिका वस्ने कागज वनाउन निकै कठिन हुन्छ । जेलमा वस्नुपर्ने अवस्था आउंछ । यसरी आउनेको १०, १२ बर्षसम्म पनि कागजात नबनेका थुप्रै नेपाली भेटिन्छन् । भिषा नलिई हिडेर किन आउनु हुदैंन भने पहिलो कागज वनाउन कठिन हुन्छ । कतिपय अवस्थमा नबन्न पनि सक्छ । दोस्रो यसरी आउंदा खर्च भएको ५०, ६० लाख कमाउन केही बर्ष जान्छ । कागज वनाउने क्रममा खर्च हुन्छ । यसरी विना भिषा हिंडेर आएर काम नपाएका नेपाली पनि भेटिन्छन् ।

कागज नवन्दा सम्म अमेरिकामा बस्न पनि कठिन हुन्छ । अपार्टमेण्ट लिन समेत मिल्दैन । अवसर खोज्ने हो तर, करियरनै विगार्ने वा ज्याननै जोखिममा पार्नु भने बुद्धिमानी हुदैंन । तस्बिर: सामाजिक संजाल