अमेरिका- वातावरण मामिला सम्वन्धि वकिल तथा खोप विरोधी अभियान्ता रोवर्ट एफ केनेडी जुनियरले आउने चुनावमा डेमोक्र्याटिक पार्टीवाट राष्ट्रपतिमा उम्मेदवारी दिने प्रकृया अगाडी वढाएका छन् । उनले आफ्नै पार्टीका वर्तमान राष्ट्रपति जो वाइडेनलाई चुनौती दिएका हुन् ।

अमेरिकामा आगामी राष्ट्रपतिको चुनाव २०२४ मा हुदैं छ । यसका लागि केनेडीले फेडरल इलेक्सन कमिशनमा कागजातहरु पेश गरिसकेको वताईएको छ ।

उनी पुर्व अमेरिकी सिनेटर, एटर्नी जनरल तथा सन् १९६८ मा हत्या गरिएका तत्कालिन राष्ट्रपति उम्मेदवार रोवर्ट एफ केनेडीका छोरा हुन् । अहिले ६९ बर्ष भएका जुनियर केनेडी पुर्व राष्ट्रपति जोन अफ केनेडीका भतिजा पनि हुन् । केनेडी अमेरिकाको प्रतिष्ठित राजनीतिक परिवार हो । केनेडी जुनियरले गत महिना राष्ट्रपति उम्मेदवार वन्ने सोच वनाईरहेको सार्वजनिक गरेका थिए । केनेडी परिवारका कयौं सदश्य राजनीति र कुनटीतिक क्षेत्रमा संलग्न छन् ।

अमेरिकामा दोस्रो कार्यकालका लागि उठ्न चाहने राष्ट्रपतिलाई पार्टी भित्र चुनौती दिने प्रचलन विरल्लै हुने गरेको छ । राष्ट्रपति उम्मेदवार वन्नु अघि पार्टी भित्र हुने आन्तरीक चुनाव प्राइमरीमा आवश्यक समर्थन जुटाउनु पर्छ । यदी वाइडेनले आवश्यक समर्थन जुटाउन सकेनन् भने पार्टीको उम्मेदवार हुन पाउंदैनन् ।

वर्तमान राष्ट्रपतिको उमेर लगायतका कारणले दोस्रो पटक राष्ट्रपति वन्न सहज भने छैन । तस्बिर: सामाजिक संजाल