२२ वर्षअगाडि आर्थिक अवस्था कमजोर भएका बालबालिकाहरुलाई लक्षित गरी सुरु गरिएको शैक्षिक अभियानमार्फत आज देशको ७७ वटै जिल्लामा ८० भन्दा बढि विद्यालयहरु खोलेर शिक्षा क्षेत्रमा योगदान गर्न पाउदा गर्व महसुस भैरहेको प्रतिक्रिया दिए। 

 

समता विद्यालय नेपालमा मात्र नभइ भारत र बंगलादेशमा पनि सञ्चालन गरिएको जानकारी दिदै संस्थापक संजेलले यस शैक्षिक अभियानलाई विश्वभर फैलाएर नेपाल र नेपालीलाई चिनाउने र नेपालीले गर्व गर्न पाउने अवस्था सृजना गर्ने आफ्नो लक्ष्य रहेको बताए। विदेशमा रहेका नेपालीहरुबाट बेलाबेलामा विद्यालयलाई आर्थिक सहयोग प्राप्त भैइनै रहेकोप्रति कृतज्ञता प्रकट गर्नुका साथै अहिले पनि अमेरिकाबाट सहयोग प्राप्त हुनेमा विश्वास व्यक्त गरे। 

 

विद्यालयको उज्वल भविश्यका लागि विदेशमा रहेका नेपालीरगैर आवासीय नेपालीहरुलाई पनि विद्यालयमा आबध्द गराइ उनीहरुलाई आजीवन विद्यालयप्रति अपनत्व महसुस गराउन, समाता सिनेटर बनाउने अभियानमा अहिले आफूहरु जुटिरहेको बताउदै संजेलले समता सिनेटर बनी आजीवन विद्यालयको अपनत्व ग्रहण गर्ने अभियानमा जोडिन सबैलाई आह्वान गरे। 

 

न्युयोर्को ज्याक्सन हाइट स्थित ठमेल रेस्टुरेन्टमा आयोजित कार्यक्रममा, समता ग्लोबल सिनेटका वरिष्ठ उपाध्यक्ष टिकाराज ढकाल र आर के फाउण्डेशनका विकास खरेलले नोभेम्बर ५ तारिखका दिन समता ग्लोबल सिनेट र आर के फाउण्डेसनको आयोजना तथा स्थानीय संघ संस्थाहरुको आतिथ्यतामा न्युयोर्क सहरको Woodhaven manor caters & Banquet,96-01 Jamaica Avenue, Woodhaven मा हुन गइरहेको समता साँझ एवम् सांस्कृतिक कार्यक्रमको बारेमा जानकारी दिँदै कार्यक्रम सफल बनाउनका लागि आवश्यक सहयोग गरिदिनु हुन सबैलाई अनुरोधसमेत गरेका थिए। वरिष्ठ उपाध्यक्ष ढकालले कार्यक्रमको तयारी अन्तिम चरणमा पुगिसकेको बताए। 

 

कार्यक्रममा समता ग्लोबल सिनेटरहरुलाई समता शिक्षा निकेतनका संरक्षक द्वय मदनकृष्ण श्रेष्ठ तथा हरिवंश आचार्य र संस्थापक उत्तम संजेलले सम्मान गर्ने भएका छन्। 

 

आयोजकका अनुसार समता शिक्षा निकेतनका संरक्षक तथा वरिष्ठ कलाकार द्वय ‘मह’ जोडी (मदनकृष्ण श्रेष्ठ र हरिवंश आचार्य) र लोकप्रिय गायक रामकृष्ण ढकाल ‘समता साँझ’ का मुख्य आकर्षक रहने छन्। उनीहरुसँगै लोक दोहोरी गायक बिमल डाँगी, गायिका निसा सुनार र गायक मुकेश घिमिरेले गीत गाएर कार्यक्रममा सांगीतिक माहोल सिर्जना गर्ने छन् भने, नृत्यमा पारङ्गत कलाकारहरु गोबिन्द राई (नृत्य निर्देशक), लाक्पा डोल्मा लामा चेन र लोचना सुवेदी  र सुस्मिता पुरीले आआफ्नो खारिएको नृत्यकला पस्किएर साँगीतिक माहोललाई थप रौनक र मनोरञ्जनात्मक बनाउने भएका छन्। 

 

समता शिक्षा अभियानलाई सहयोग जुटाउने यस अभियानअन्तर्गत  नोभेम्बर ६मा सिकागो, नोभेम्बर ११मा कोलम्बस, नोभेम्बर १२मा पिट्स्बर्ग, नोभेम्बर १३मा बोस्टन, नोभेम्बर १८मा सेन्ट लुइस, नोभेम्बर १९ मा सान फ्रान्सिस्को, नोभेम्बर २०मा डालासमा र नोभेम्बर २३ मा बाल्टिमोरमा कार्यक्र सम्पन्न गर्ने गरी आवश्यक तयारीलाई तिब्रता दिइएको आयोजकले जनाएको छ।