काठमाडौँ । नेपालमा मंगलबार थप ८२०३ जनामा कोरोना भाइरस संक्रमण पुष्टि भएको छ । गत चौबीसघन्टामा २० हजार २८६ जनाको पिसिआर परीक्षण तथा ६९३ जनाको एन्टिजेन विधिबाट परीक्षण गरिएका ६७ जना गरी ८२०३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । 

 

यस्तै, नेपालमा थप १९६ जनाको निधन भएको मन्त्रालयले जनाएको छ । नेपालमा पछिल्लो समय दोस्रो भेरियन्टको कोरोना संक्रमण व्यापक भएसँग मृत्यु हुनेको संख्या पनि निरन्तर बढ्दो क्रममा रहेको छ । नेपालमा कोरोना संक्रमणका कारण निधन हुनेको संख्या ५४११ पुगेको छ । 

 

यसैगरी, पछिल्लो चौबीसघन्टामा ६८९१ जना संक्रमणमुक्त भएका छन् । योसहित हालसम्म ७४.६१ प्रतिशत अर्थात् ३ लाख ५२ हजार ४१४ जना कोरोना भाइरसबाट मुक्त भएका छन् । मंगलबारसम्म देशभर एक लाख १४ हजार ५२९ सक्रिय सङ्क्रमित रहेका छन् भने कुल संक्रमितको संख्या ४ लाख ७२ हजार ३५४ पुगेको छ । 

 

तीमध्ये एक लाख १४ हजार ५२९ जना आइसोलेसनमा र १५९० आइसियू र ३९० जनाको भेीन्टलेटरमा उपचार भइरहेको छ । मन्त्रालयले दिएको जानकारीअनुसार देशभरका क्वारेन्टाइनमा ७५२ जना रहेका छन् ।