आउँदो वर्ष हुने अमेरिकी राष्ट्रपति चुनावको माहौल सुरु भइसकेको छ । सन् २०१६ को नोभेम्बर ८ तारिखमा हुने चुनावका लागि डेमोक्रेटिक र रिपब्लिन पार्टीभित्र उम्मेदवारीका लागि आन्तरिक प्रतिस्पर्धा चलिरहेको छ । दुवै पार्टीका नेताहरु पार्टीको तर्फबाट चुनाव लड्ने टिकटका लागि आफ्नो चुनावी प्रचार अभियानमा छन् । दुवै पार्टीका तर्फबाट अहिलेसम्म २ दर्जनभन्दा बढीजनाले उम्मेदवारी घोषणा गरेका छन् । उम्मेदवारी घोषणा गरेका नेताहरुले चुनाव लड्ने खर्च जुटाएर उम्मेदवारको टिकट पाउन भरमग्दुर प्रयास गरेका छन् । अहिले टेलिभिजन कार्यक्रमहरु र पत्रकार सम्मेलनहरु मार्फत नेताहरुले आफ्ना भनाइ र विचार राख्ने क्रम जारी छ । यी उम्मेदवारहरुले उठाउने मुद्दामध्ये आप्रवासीको एजेन्डा बोक्नेमाथि नेपालीहरुको ध्यान र चासो छ ।

राष्ट्रपतिको उम्मदेवारीको प्रतिस्पर्धामा लागेका २ दर्जनमध्ये डेमोक्रेटिक पार्टीबाट बर्नी स्यान्डर्स र हिलारी क्लिन्टन अग्रपंक्तिमा छन् भने रिपब्लिकनका बेन कार्सन र डोनाल्ड ट्रम्प अग्रपंक्तिमा देखिन्छन् । हिलारी क्लिन्टन अहिलेकी विदेश मन्त्री हुन् भने बर्नी स्यान्डर्स सिनेटर हुन् । डोनाल्ड ट्रम्प व्यवसायी हुन् । बेन कार्सन अवकाशप्राप्त न्युरोसर्जन हुन् ।
यो चुनावका प्रतिस्पर्धीहरुमाथि नेपाली आप्रवासीहरुको पनि ध्यान छ । त्यसमा पनि कुन उम्मेदवारले आप्रवासीमाथिको व्यवहार र नीति कस्तो बनाउला भन्नेचाहिँ नेपालीहरुको चासोको विषय हो । अहिलेका उम्मेदवारहरुमध्ये आप्रवासीप्रति अत्यन्तै सकारात्मक भएर मुद्दा सम्बोधन गर्ने बोली डेमोक्रेटिक उम्मेदवार बर्नी स्यान्डर्सले बोलेका छन् । उनले भनेका छन्, ‘हाम्रो देश आप्रवासीहरुको हो । म आफैं एक आप्रवासी सन्तान हुँ । आप्रावासीको कथा व्यथा, मेरो कथा व्यथा र हाम्रो कथा व्यथा नै अमेरिकाको कथा व्यथा हो । मेहेनती परिवार नै आफ्ना बच्चाको उज्जवल भविष्यका लागि अमेरिका आइरहेका छन् । उनीहरुले आफ्ना छोराछोरीको भविष्यसहित अमेरिका पनि बनाइरहेका छन् ।’
हिलारी क्लिन्टनले पनि आप्रवासीकै पक्षमा बोलेकी छन् । उनले अवैध आप्रवासीलाई समेत ड्राइभिङ लाइसेन्स दिनुपर्ने तर्क गरेकी छन् । उनले अमेरिकालाई चुस्त दुरुस्त पार्न प्रखर व्यक्तित्वको आवश्यकता भएकाले आफू त्यही गतिमा अघि बढिरहेको बताएकी छन् । ‘प्रत्येक अमेरिकीहरु च्याम्पियन व्यक्ति चाहना राख्छन्, म त्यही च्याम्पियन बन्न चाहन्छु ।’
बेन कार्सनले मुसलमान व्यक्ति अमेरिकाको राष्ट्रपति बन्न नहुने तर्क गरेका छन् । भनेका छन्, ‘अमेरिकी मूल्य मान्यताअनुसारको व्यक्ति राष्ट्रपति हुने हो भने मुसलमान उपयुक्त हुँदैन । जब कि अमेरिकी संविधानले त्यस्तो रोकतोक गरेको छैन । तर मलाई भने मुसलमान व्यक्ति राष्ट्रपति नभएकै उचित लाग्छ ।’
डोनाल्ड ट्रम्पले भनेका छन्, ‘आप्रवासी नीतिले अमेरिकाको विकासमा ठूलो फेरबदल ल्याउँछ । त्यसैले यसमा परिवर्तन चाहिन्छ । आप्रवासीका लागि नीति भने उनीहरुको तलब वृद्धि लगायत विषय हुन् । सीमामा सिल बन्द गर्नुपर्छ भन्नेचाहिँ मेरो मान्यता छ । किनभने सीमाबन्द नगरिएको राष्ट्र हुँदैन भन्ने मेरो विचार हो ।’

अमेरिकी राष्ट्रपति बन्न चाहिने योग्यता
— अमेरिकामा जन्मिएको अमेरिकी नागरिक हुनुपर्ने
— ३५ वर्ष उमेर पूरा भएको हुनुपर्ने
— १४ वर्षदेखि लगातार अमेरिकामा बसेको हुनुपर्ने
— दुईपटकभन्दा बढी कोही पनि राष्ट्रपति बन्न सक्दैन
— राष्ट्रपतिका लागि अयोग्य व्यक्ति उपराष्ट्रपतिका लागि पनि अयोग्य हुन्छ
— अमेरिकी राष्ट्रपतिले केवल अंग्रेजी भाषा जाने पुग्छ

‘हाम्रो देश आप्रवासीहरुको हो । म आफैं एक आप्रवासी सन्तान हुँ । आप्रावासीको कथा व्यथा, मेरो कथा व्यथा र हाम्रो कथा व्यथा नै अमेरिकाको कथा व्यथा हो । मेहेनती परिवार नै आफ्ना बच्चाको उज्जवल भविष्यका लागि अमेरिका आइरहेका छन् । उनीहरुले आफ्ना छोराछोरीको भविष्यसहित अमेरिका पनि बनाइरहेका छन् ।’
—बर्नी स्यान्डर्स

‘प्रत्येक अमेरिकीहरु च्याम्पियन व्यक्ति चाहना राख्छन्, म त्यही च्याम्पियन बन्न चाहन्छु । आप्रवासीहरुका हकमा म सधैं सकारात्मक छु ।
—हिलारी क्लिन्टन

‘अमेरिकी मूल्य मान्यताअनुसारको व्यक्ति राष्ट्रपति हुने हो भने मुसलमान उपयुक्त हुँदैन । जब कि अमेरिकी संविधानले त्यस्तो रोकतोक गरेको छैन । तर मलाई भने मुसलमान व्यक्ति राष्ट्रपति नभएकै उचित लाग्छ ।’
—बेन कार्सन

आप्रवासी नीतिले अमेरिकाको विकासमा ठूलो फेरबदल ल्याउँछ । त्यसैले यसमा परिवर्तन चाहिन्छ । आप्रवासीका लागि नीति भने उनीहरुको तलब वृद्धि लगायत विषय हुन् । सीमामा सिल बन्द गर्नुपर्छ भन्नेचाहिँ मेरो मान्यता छ । किनभने सीमाबन्द नगरिएको राष्ट्र हुँदैन भन्ने मेरो विचार हो ।
— डोनाल्ड ट्रम्प