काठमाडौँ । नुवाकोटको विदुर नगरपालिका–५, देवीघाटस्थित तादी नदीमा ६० मिटर लम्बाइ र ५.५ मिटर चौडाइको बेलीब्रिज निर्माण कार्यमा नेपाली सेना जुटेको छ ।

नेपाली सेनाका इन्जिनियरिङ फौजबाट खटिएको ५५ जनाको टोलीले पुल निर्माण कार्य गरिरहेको नेपाली सेनाद्वारा आइतबार दिउँसो जारी विज्ञप्तिमा उल्लेख छ ।

निर्माण हुँदै गरेको बेलीब्रिजको भारवहन ५० टन रहेको सेनाले जनाएको छ । भदौ १० गते रसुवाको भोटेकोसी हुँदै त्रिशूली नदीमा आएको बाढीले देवीघाटस्थित पुल बगाएको थियो ।