भुपेन्द्र शर्मा – एडमण्टन (क्यानाडा)। इश्वी सम्बतको नयाँ बर्ष एवं महान पर्व क्रिस्मसको अवसर पारेर क्यानाडाको एडमण्टनमा नृत्य प्रतियोगिता हुने भएको छ ।

आगामी डिसेम्बर २० तारिखमा आयोजना हुने नृत्य प्रतियोगितामा ६ देखि १५ बर्षसम्मका बालबालिकाले सहभागी हुन पाउने आयोजक नेपाल हेरिटेज सोसाइटी अफ एडमण्टनका अध्यक्ष देवेन्द्र कार्कीले जानकारी दिनुभयो ।

एडमण्टनको क्विन एलेक्जेण्डरा कम्युनिटी लीग हलमा हुने नृत्य प्रतियोगितामा एडमण्टन शहरमा बसोबास गर्ने नेपाली मुलका बालबालिकाले भाग लिनेछन । प्रतियोगितामा भागलिनको लागि ६ बर्षदेखि १५ बर्ष उमेर नकटेको हुनुपर्ने सोसाइटीका अध्यक्ष कार्कीले बताउनु भयो ।

प्रतियोगितामा भागलिन चाहने बालबालिकाहरूले सामूहिक वा व्यक्तिगत रूपमा सहभागिता जनाउन सक्ने संस्थाका सचिव सुरज खतिवडाले जनाउनु भयो । प्रतियोगितामा सहभागी हुन चाहनेहरुका लागि डिसेम्बर १३ भन्दा पहिला नै अभिभावकहरूले ५ डलर तिरेर नाम दर्ता गर्न सक्नेछन ।

इच्छुक अधिकांश प्रतियोगिका लागि फारम समेत भराइ सकिएको खतिवडाले बताउनु भयो । यस्ता प्रतियोगिताले नेपाल बाहिर रहेका बालबालिकामा नेपाली संगीत भेषभुषा कला र संस्कृतिप्रतिको रुचिको विकास हुन सक्ने प्रतियोगिता आयोजक समितिका सदस्य मधुसुधन पाण्डेको दावी छ ।

यस्ता कार्यक्रमले बालबालिकामा आत्मविश्वासको बृद्धि गराई मौलिकताको संरक्षणमापनि टेवा पुुग्ने उहाँले बताउनु भयो । क्यानाडाको अल्वर्टा राज्यको को एडमण्टन शहरमा पहिलो पटक हुन लागेको प्रतियोगितामा धेरै भन्दा धेरै नेपालीहरुबको सहभासगिता रहने र भव्य रुपमा सम्पन्न हुने आयोजक समितिका नरेन्द्र अधिकारीको दावी छ ।

प्रतिस्योगितामा प्रथम, द्वितीय, तृतीय हुनेले आकर्षक पुरस्कार पाउने छन भने सहभागी सबैले प्रमाणपत्र र सम्मान पाउने बताइएको छ । प्रतियोगितामा एडमन्डनमा रहेर नेपाली समुदायको हितमा कार्य गर्दै आएका व्यक्तिहरुको उल्लेख्य सहभागिता रहने बताइएको छ ।