ड्यालस (अमेरिका)। नेपाली साङ्गीतिक क्षेत्रको चर्चित व्याण्ड नेपथ्यले आउँदो शनिबार ड्यालस तताउने भएको छ ।

अमेरिकाको साङ्गीतिक टुरमा रहेको नेपथ्यले शनिबार ड्यालसको राम्रो मध्यमा गणना हुने स्थान टोयोटा म्युजिक फ्याक्ट्रीमा आफ्नो प्रस्तुति दिने तयारी अन्तिम चरणमा पुगेको छ । नेपथ्य नेपाली साङ्गीतिक क्षेत्रमा वृद्ध, युवा र बालक सबैले मन पराउने व्याण्ड हो ।

लिजेरी, के गरिरा, डिजे मोमो इन्टरटेनमेन्ट, खड्का ग्रुपको संयुक्त आयोजनामा ड्यालसमा नेपथ्य कन्सर्ट हुन लागेको हो । सो दिन साँझ ७ः०० बजेदेखि गेट खुल्ने र ८ः०० बजेबाट कन्सर्ट सुरू हुने आयोजकमध्येका एक डिजे मोमोले जनाएका छन् ।

नेपथ्यको कन्सर्टको टिकट मूल्य ४० डलरदेखि एकसय डलरसम्म रहेको छ । टिकट अनलाइनमार्फत पनि खरिद गर्न सकिने आयोजकले जनाएको छ ।

टिकट खरिद गर्न यहाँ क्लिक गर्नुहोस् ।