नयाँदिल्ली । बंगलादेशकी पूर्वप्रधानमन्त्री शेख हसिनाले सेन्ट मार्टिन टापु हस्तान्तरण नगरेका कारण अमेरिकाले आफूलाई सत्ताबाट हटाएको आरोप लगाएकी छन् ।

हाल भारतमा शरणार्थी जीवन बिताइरहेकी हसिनाले सेन्ट मार्टिन टापु पाएपछि बङ्गालको खाडीमा अमेरिकाको प्रभाव बढ्ने शेख हसिनाले बताएको भारतीय सचारमाध्यमले जनाएका छन् । उनले अमेरिकाको विषयमा पहिलोपटक मुख खोलेकी हुन् ।

शेख हसिनाले आफ्नो सन्देशमा बंगलादेशी नागरिकहरूलाई कट्टरपन्थीहरूबाट भ्रममा नपर्न चेतावनी दिएकी छन् । आफ्ना नजिकका सहयोगीहरूमार्फत पठाइएको र इटीलाई उपलब्ध गराइएको सन्देशमा शेख हसिनाले भनेकी छन्, ‘मैले शवको जुलुस हेर्न नपरोस् भनेर राजीनामा दिएँ । उनीहरू विद्यार्थीहरूको शवमाथि सत्तामा आउन चाहन्थे तर मैले यो हुन नदिई प्रधानमन्त्री पदबाट राजीनामा दिएँ ।’

उनले भनिन्, ‘म छिट्टै बंगलादेश फर्किनेछु ।’ उनले थपिन्, ‘यदि म देशमा बसेको भए, धेरैले ज्यान गुमाउने थिए र धेरै राज्यका स्रोतहरूको नष्ट हुनेथिए । मैले छोड्ने धेरै गाह्रो निर्णय लिएँ । म तपाईंको नेता भएँ किनकि तपाईंले मलाई छान्नुभयो, तपाईं हुनुहुन्छ । धेरै नेताको हत्या भएको कार्यकर्तालाई उत्पीडन गर्ने, घरमा तोडफोड र आगजनी भएको खबर सुनेर मेरो मन आँसुले भरिएको छ, सर्वशक्तिमान अल्लाहको कृपाले म चाँडै स्वदेश फर्कने छु।’

शेख हसिनाले अवामी लिगले बारम्बार आवाज उठाएको बताएकी छन् । ‘म सधैँ बंगलादेशको भविष्यको लागि प्रार्थना गर्नेछु, जुन राष्ट्रका लागि मेरा महान् बुबाले लडेका थिए, जुन राष्ट्रका लागि मेरा पिता र परिवारले आफ्नो जीवन बलिदान दिए ।’

‘मैले कसैलाई रजाकार भनेकै छैन’

आरक्षण आन्दोलन र विद्यार्थी आन्दोलनको सन्दर्भमा हसिनाले भनिन्, ‘म बंगलादेशका युवा विद्यार्थीहरूलाई दोहोर्‍याउन चाहन्छु कि मैले तपाईंलाई रजाकार  (मिलिशिया) भनेकी थिइनँ, तर मेरा शब्दहरू तपाईंहरूलाई उक्साउनको लागि मोडिएको थियो। म तपाईंलाई दोहोर्‍याउन चाहन्छु। म तपाईंलाई दिनको पूरा भिडियो हेर्न अनुरोध गर्दछु। षड्यन्त्रकारीहरूले तपाईंको निर्दोषताको फाइदा उठाए र तपाईंलाई राष्ट्रलाई अस्थिर बनाउन प्रयोग गरे ।’ एजेन्सी