लुम्बिनी(नेपाल) – लुम्बिनीमा रहेको पांच तारे होटल टाइगर प्यालेस विदेशमा वस्ने नेपालीको समुहले किनेका छन् । अमेरिकाको डिलावारमा दर्ता भएको नेपालयन टाइगर इन्भेष्टमेण्ट एलएलसीले एक साता अघि उक्त होटल खरिद गरेको हो ।

खरिद मूल्य सार्वजनिक गरिएको छैन । तर, स्रोतले करिव ५ देखि ६ अर्ब रुपैंयाको बिचमा रहेको वताएको छ । नेपालयन टाइगर इन्भेष्टमेण्ट अमेरिकामा व्यवसाय गर्दै आएका बुद्धि सुवेदीको नाममा दर्ता छ । सुवेदी एनआरएनए अमेरिकाका पुर्व अध्यक्ष हुन । गत साता मात्र उनको कार्यकाल सकिएको थियो । उक्त कम्पनीमा सुवेदी लागयत अमेरिका क्यानडा युरोप लगायतका नेपाली संलग्न भएको वताईएको छ । किन्ने समुहले उक्त होटलका नाममा रहेको सवै ऋण पनि स्विकार गरेको छ । यो खरिद विक्री नेपालमा भएको ठुला किनवेच मध्ये एक हो ।

विदेशी लगानी हुने गरी उक्त होटलको शेयर खरिद विक्री भएको हो । नेपालको सर्वोच्च अदालतले कम्पनीको शेयर खरिद विक्रीमा रोक लगाएकाले अफसोर फाइनान्स मार्फत २ साता अघि किनवेचको टुंगो लागेको वताईएको छ । यो कारोवार गर्न सुवेदी हाल नेपालमा रहेको वताईएको छ । उक्त होटलको जमिन भित्र पर्ने कुलोको विषयलाई लिएर यो मुद्दा अदालतमा पुगेको थियो । मुद्दा अदालतमा विचाराधिन रहेकाले यो होटलको स्वामित्व किनवेच विदेशमा भएको हो । यसका लागि अमेरिकाको सिकागो, अष्टेलिया,हंगकगं र नेपालमा वकिलले काम गरेका थिए ।

भैरहवा नजिक रहेको बुद्धजन्मस्थल लुम्बिनी आउने पर्यटकलाई लक्षित गरेर वनाईएको यो होटलमा अहिले १०५ कोठा छन् । क्यासिनो लगायतका सुविधा भएको यो होटल करिव १७ विघा जमिनमा फैलिएको छ । यसवाहेक झापामा उक्त होटकका नाममा ११ विघा जमिन छ । काठमाडौमा पनि उक्त होटलका नाममा व्यवसाय छ । नयां लगानीकर्ताले होटलको मर्मत लगायत क्षमता विस्तारका लागि थप लगानी गर्ने योजना रहेको वताईएको छ ।

विदेशी लगानीमा वनेको यो होटल लगानीकर्ता विचको विवादले राम्रोसंग संचालन हुन सकेको थिएन । तस्बिर: सामाजिक संजाल