काठमाडौ- राष्ट्रपति विद्यादेवी भण्डारीले मन्त्रिपरिषदको सफारिसमा प्रा श्रीधर खत्रीलाई संयुक्त राज्य अमेरिकाको राजदुतमा नियुक्त गरेकी छिन् । 

 

त्रिभुवन विश्वविद्यालयमा लामो समय प्रद्यापनमा विताएका खत्री परराष्ट्र विज्ञ मानिन्छन् । सरकारले केही महिना अघि अमेरिकामा खत्री, भारतमा डा शंकर शर्मा, वेलायतमा ज्ञानचन्द्र आचार्यलाई राजदुत मनोनयन गरेको थियो । 

 

संसदमा सुनुवाई लगायत कुटनीतिक प्रकृया पुरा भएपछि राष्ट्रपतिले खत्रीलाई राजदुत नियुक्त गरेकी हुन् । 

 

सरकारले अमेरिकाका राजदुत डा युवराज खतिवडालाई केही महिना अघि फिर्ता वोलाएको थियो । सरकार परिवर्तनका कारण डा खतिवडा कार्यकाल पुरा गर्न नपाई फर्किएका थिए । केही समय देखि नेपालको अमेरिका दुतावास राजदुत विहिन थियो ।