अमेरिका – अमेरिकाको सानो पहाडी राज्य वेमिगंको सानो शहर सेरडिनमा कुुकुर मनपराउने स्थानिय वासिन्दाले नौलो अनुभव गर्न पाए । त्यहां नेपालीले संचालन गरेको लिटिल किचन (सानो भान्सा) रेष्टुरेन्टले कुुकुर मनपराउने, पाल्नका लागि कुकुर तिहार मनाउने विशेष कार्यक्रम आयोजना गरेको थिथो ।
रेष्टुरेन्टले वरपर कुकुर तिहार मनाउने कार्यक्रम छ, भनेर केही दिन अघि देखी नै प्रचार प्रसार गरेको थियो । स्थानिय मेयर, चेम्बर अफ कमर्शका पदाधिकारी, पत्रकार लगायतलाई निमन्त्रणा गरिएको थियो ।
स्थानिय समय अनुसार रेष्टुरेण्टको आगनमा विहान ११ बजे कार्यक्रम शुरु भयो । नेपाली परम्परा अनुसार कुकुरलाई सयपत्रीको माला, टिका लगाई खाना दिएर पुजा गरिएको थियो । त्यसमा स्थानिय सेरडिनबासीहरु पनि उत्साहित हुदै सहभागी भएका थिए । उत्साहित हुदै कुकुरको पुजा गरेका थिए । आयोजकले कुकुर पुजाका लागि क्यालिफोर्नियावाट सयपत्रीको माला मगाएका थिए । झण्डै ८० वटा जति कुकुरलाई पुजा गरिएको थियो ।
अमेरिकामा कुकुरलाई जतनका साथ पालिन्छ । कतिका लागि त घरमा न्यास्रो मेटाउने कुकुर एक मात्र साथी हुन्छ । कुकुरलाई केही तालिम, बीमा, नियमित सुई र स्वास्थ्यमा विशेष ख्याल गरिएको हुन्छ ।
लिटिल किचन केही महिना अघि नेपालीले किनेका थिए । रेष्टुरेण्टको मेनुमा स्थानिय र एशियन स्वादका परिकार राखिएको छ ।
उक्त कुकुर तिहार कार्यक्रमलाई स्थानिय संचार माध्यमले समाचारका रुपमा प्रस्तुत गरेका छन् । समाचारमा नेपालमा तिहारका बेला मनाइने कुकुर तिहारको परम्पराका वारेमा उल्लेख छ ।
हिन्दु संस्कृतिमा कुकुरलाई यमराजको दुतका रुपमा पुजा गर्ने प्रचलन छ । महाभारतमा धर्मराज युधिष्ठिर हिडेर स्वर्ग जानेक्रममा यमराजको दुतका रुपमा कुकुर पनि संगै थियो । नेपालमा प्रत्येक बर्ष तिहारको दोस्रो दिन कुकुर तिहार मनाइन्छ ।
यस्तै टेक्ससको युलेस सिटी स्थित स्थानिय एनिमल सेल्टरमा कुकुर तिहार मनाईएको थियो । त्यस अवसरमा युलिस सिटीका मेयर, सिटी काउन्सिलर लगायतको सहभागिता थियो ।
युलेस सिटी स्थित स्थानिय एनिमल सेल्टरमा कुकुर तिहार मनाउदै
प्रतिक्रिया