सन् २०२४ अमेरिकी आप्रवासन नीतिमा महत्वपूर्ण हुनेछ र यसमा नोभेम्बरमा हुने राष्ट्रपतीय निर्वाचन र एच–वन बी भिसासम्बन्धी नयाँ नीति समावेश छन् ।

एच–वान बी चिट्ठामा परिवर्तन

अक्टोबर २३, २०२३ मा प्रकाशित प्रस्तावित एच.वान बी भिसा नियममा, अमेरिकी नागरिकता र अध्यागमन सेवाहरूले एच.वान बी छनौट प्रक्रियामा परिवर्तन गर्ने योजनाको घोषणा गरेको छ । सम्भवतः मार्च २०२४ मा आगामी एच.वान बी चिट्ठाको समयमा योजना लागु हुनेछ ।

हालको नीति अन्तर्गत, यूएससीआईएसले चिट्ठा प्रयोग गर्दछ जब कम्पनीहरूले ८५ हजारको वार्षिक सीमा (६५ हजार प्लस अमेरिकी विश्वविद्यालयहरूबाट उन्नत डिग्री धारकहरूको लागि २० हजार छूट) भन्दा बढी एच–वान बी आवेदनहरू (वा दर्ता) फाइल गर्छन् । प्रस्तावित नियममा यूएससीआईएसले आर्थिक वर्ष २०२४ का लागि दर्तामा वृद्धि भएको बताएको छ ।

उच्च दक्षता भएका विदेशी नागरिकलाई काममा लगाउने रोजगारदाताले न्यून वार्षिक एच–वान बी सीमा पार गर्नुपर्छ, जुन अमेरिकी श्रम शक्तिको 🙁०५ प्रतिशत मात्र हो । आर्थिक वर्ष २०२२ देखि २०२४ को बीचमा एक जना मात्र रोजगारदाता भएको एच–वान बी दर्ता ६६ प्रतिशतले बढेको छ ।

यूएससीआईएसका अनुसार, ‘अनियमित छनौट प्रक्रियाको प्रस्तावित अद्यावधिक अन्तर्गत, दर्ताकर्ताहरूले लाभग्राहीहरूको तर्फबाट दर्ता पेश गर्न जारी राख्नेछन् र लाभग्राहीहरूले उनीहरूको तर्फबाट एकभन्दा बढी दर्ताहरू पेश गर्न सक्नेछन् ।’ छनौट प्रत्येक दर्ताको सट्टा दर्ता पूलमा पहिचान गरिएको प्रत्येक अब्बल लाभार्थीको आधारमा हुनेछ । प्रत्येक अब्बल लाभार्थीलाई एकपटक चयन प्रक्रियामा समावेश गरिनेछ, चाहे उनीहरूको तर्फबाट कति दर्ताहरू पेश गरिएको थियो । यूएससीआईएसले लाभग्राहीहरूको पहिचान गर्न राहदानीको जानकारी प्रयोग गर्ने योजना बनाएको छ र उनीहरूको तर्फबाट एच.वान बी दर्ता पेश गर्ने मध्येबाट छनौट गर्नेछन् ।

एच–वान बीमा प्रतिबन्धात्मक व्यवस्था

रोजगारदाताहरूले प्रस्तावित नियमका केही उपायहरूको स्वागत गरे जस्तै अन्तर्राष्ट्रिय विद्यार्थीहरूको लागि ‘क्याप–ग्याप’ रोजगार संरक्षणको उपायलाई स्वागत गरिएको छ । तर सरकारले एच.वान बी याचिकाको लागि योग्य हुने नयाँ तरिकाहरूको विरोध गरेका छन् । उक्त नियमबारेको प्रतिक्रियामा नेशनल फाउन्डेसन फर अमेरिकन पोलिसीले दुई उल्लेखनीय प्रतिबन्धहरू हाइलाइट गरेको छ ।

पहिलो, नियमले ‘प्रत्यक्ष सम्बन्धित विशिष्ट विशेषता’ वाक्यांशले विशेष व्यवसायहरू मानिएको स्थितिहरूलाई संकुचित गर्दछ । उक्त नियम अनुसार एक विशेष व्यवसायको रूपमा योग्य हुन वा प्रवेश गर्नका लागि ‘प्रत्यक्ष सम्बन्धित विशिष्ट विशेषता वा यसको समकक्षमा एक अमेरिकी स्नातक वा उच्च डिग्री’ आवश्यक पर्दछ । आलोचकहरूले बाइडन प्रशासनले प्रकाशित गरेको प्रतिबन्धात्मक अन्तरिम अन्तिम नियमको भाषा नक्कल गरेको भन्दै खिल्ली उडाएका छन् । वकिल र कम्पनीहरूले सन् २०२० मा अन्तरिम अन्तिम नियमको भाषाले विदेशमा जन्मेका थुप्रै प्रतिभाशाली पेशेवरहरूलाई अमेरिकामा काम गर्नबाट रोक्ने चेतावनी दिएका थिए ।

सन् २०२१ को नेशनल सर्भे अफ कलेज ग्रयाजुएट्सको एनएफएपी विश्लेषणअनुसार अमेरिकामा जन्मेका आधाभन्दा बढी (५१ प्रतिशत) व्यक्ति र कम्प्युटर व्यवसायमा काम गर्ने १८ प्रतिशत अस्थायी भिसा होल्डरसँग कम्प्युटर साइन्स वा इलेक्ट्रिकल इन्जिनियरिङबाहेक अन्य डिग्री छ । लगभग आधा (४८ प्रतिशत) रसायन विज्ञहरू र १५ प्रतिशत अस्थायी भिसा धारकहरूसँग रसायन विज्ञान बाहेकका अन्य डिग्री छन् । श्रम अर्थशास्त्री तथा एनएफएपीका सिनियर फेलो मार्क रेगेट्सको भनाईमा प्राविधिक श्रम शक्तिमा डिग्री र व्यवसायको क्षेत्रबीच ठ्याक्कै मेल छ भनेर सोच्नु गलत हुनेछ । वास्तवमा, रोजगारदाताहरूले प्रायः अन्य कोर्सवर्क र अनुभवको माध्यमबाट आवश्यक सीप हासिल गरेका कामदारहरूलाई काममा लगाउँछन । यूएससीआईएसले व्यावसायिक र डिग्री शीर्षकहरू बीच एक सटीक म्याच कसरी गर्छ भन्ने स्पष्ट नभएपनि अस्थायी कामको भिसा भएका धेरै वर्तमान कामदारहरूले नयाँ मापदण्डहरू पूरा गर्न नसक्ने उनको बुझाई छ ।

दोस्रो, ट्रम्प प्रशासनबाट नक्कल गरिएको नियमको अर्को प्रावधानले व्यापार प्रशासन एक ‘सामान्य डिग्री’ हो र ‘थप विज्ञता बिना’ कसैलाई पनि विशेष व्यवसायको लागि योग्य बनाउन पर्याप्त नहुने तर्क गर्दछ । यो भाषाले व्यवसायमा स्नातकोत्तर गरेका व्यक्तिहरूलाई अयोग्य ठहराउन सक्छ र विदेशी नागरिकहरूलाई अमेरिकामा एमबीए कार्यक्रमहरूमा भाग लिन निरुत्साहित गर्न सक्छ ।

प्रस्तावित नियमावलीले भौतिक विज्ञानलाई विशेष ज्ञानको योग्य निकायको रूपमा उल्लेख गरेको छ । तथापि, आफ्नो डिग्रीको एकदेखि दस वर्षपछि, केवल ४३ प्रतिशत शरिर विज्ञानमा मास्टर डिग्रीसँग एक भौतिक विज्ञान व्यवसायमा काम गर्दछ । यो व्यवसायमा स्नातकोत्तर डिग्री भएका व्यक्तिहरूको प्रतिशत भन्दा धेरै कम छ जसले व्यवस्थापन र व्यवस्थापन–सम्बन्धित व्यवसायहरूमा काम गर्दछ । तर प्रस्तावित नियमले व्यवसाय प्रशासनलाई ‘सामान्य डिग्री’को रूपमा लिएको छ ।

तथ्यांकले विजनेश एडमिनिट्रेशन अध्ययनको विशेष क्षेत्र भएको देखाउँछ । व्यवसायमा स्नातकोत्तर डिग्री हासिल गरेको एकदेखि दश वर्षभित्र, विदेशमा जन्मेका ७९ प्रतिशत र अमेरिकामा जन्मेका ७० प्रतिशत मानिसहरु अमेरिकामा व्यवस्थापन र व्यवस्थापन–सम्बन्धित व्यवसायहरूमा काम गर्दछन् । व्यवसायमा स्नातकोत्तर डिग्री हासिल गरेको एकदेखि दश वर्षभित्र, ९४ प्रतिशत व्यक्तिहरूको मतमा व्यवस्थापन र व्यवस्थापन–सम्बन्धित व्यवसायमा उनीहरूको काम उनीहरूको डिग्रीसँग सम्बन्धित छ । पस्तावित नियमका प्रतिबन्धहरू आर्टिफिसियल इल्टेलीजेन्स (एआई) प्रतिभालाई आकर्षित गर्न असंगत देखिन्छन् । राष्ट्रपति बाइडनले अक्टोबर ३०, २०२३ मा जारी गरेको एआई कार्यकारी आदेशसँग पनि यसको मेल देखिदैन । यस नियमका प्रतिबन्धहरू र एच.वान बी कर्मचारीहरूलाई ग्राहक स्थानहरूमा काम गर्न पठाउने कम्पनीहरूलाई लक्षित गरेर ल्याइएको उपायहरूले एक वा एकभन्दा बढी मुद्दाहरू निम्त्याउने वकिलहरूको भनाइ छ ।

यूएससीआईएस शुल्क बढ्यो, अझै कति बढ्ला ?

जनवरी ४, २०२३ मा, यूएससीआईएसले शुल्कमा उल्लेखनीय वृद्धि गर्न प्रस्तावित नियम प्रकाशित गरेको थियो । प्रकाशित नियमहरु मध्ये सबैभन्दा विवादास्पद बनेको छ– ६०० अमेरिकी डलर शुल्क सम्भावित एसाइलीहरूले भुक्तान गर्नुपर्ने नियम । यस अन्तर्गत फारम क्ष्–ज्ञद्दढ (गैर–आप्रवासी कामदारको लागि याचिका) वा फारम क्ष्–ज्ञद्धण् (एलियन वर्करको लागि आप्रवासी याचिका) फाइल पर्दछ ।

यूएससीआईएस÷डीएचएसले एच–वान बी आवेदनका लागि प्रत्येक लाभग्राहीबाट एच–वान बी इलेक्ट्रोनिक रजिस्ट्रेसन शुल्क सन् २०१९ मा १० अमेरिकी डलरबाट बढाएर २१५ अमेरिकी डलर असुल्ने प्रस्ताव गरेको छ । रोजगारदाताले एच–वान बी पिटिशनमा लाभग्राहीका लागि ७० प्रतिशत, एल–वान पिटिशनमा कर्मचारीका लागि २०१ प्रतिशत र ओ–वान पिटिशनमा १२९ प्रतिशत बढी भुक्तानी दिनुपर्नेछ । शुल्क समायोजनको लागि, बायोमेट्रिक सेवा शुल्कको साथ अग्रिम पेरोल र वर्क परमिट १३० प्रतिशतले वृद्धि हुनेछ । अर्थात उक्त शुल्क १२२५ डलरबाट २८२० डलर पु¥याइने छ । यस सम्बन्धी अन्तिम नियम अप्रिल २०२४ वा त्यसपछि प्रकाशित हुने अपेक्षा गरिएको छ । यदि त्यसो हो भने सन् २०२४ मा एच–वानबी छनोट प्रक्रियामा एच–वान बी दर्तामा लाग्ने उच्च शुल्क लागू हुने छैन ।

आन्तरिक भिसा नवीकरण पाइलट कार्यक्रम सुरु

डिसेम्बर २१, २०२३ मा, स्टेट डिपार्टमेन्टले एक बहुप्रतीक्षित पायलट कार्यक्रमको लागि विवरणहरू घोषणा गरेको थियो जसले कर्मचारीहरूलाई संयुक्त राज्य अमेरिकामा एच.वान बी भिसा नवीकरण गर्न अनुमति दिन्छ ।

यही जनवरी २९, २०२४ देखि, व्यक्तिहरूले विभागको आधिकारिक वेब ठेगानामा आवेदन दिन सक्नेछन् । यसका लाागि क्यानडा र भारतस्थित अमेरिकी वाणिज्य दूतावासमा निश्चित मितिभित्र एच–वान बी भिसा जारी भएका आवेदकमा मात्र सीमित २० हजार भिसा होल्डर मात्र योग्य हुनेछन् । पहिले रिपोर्ट गरिएको रूपमा, पायलटले एच.वान बी पेशेवरहरूको आश्रितहरूलाई समावेश गर्दैन । रोजगारदाता र कर्मचारीहरूले भने राज्य विभागले पाइलट विस्तार गर्दा आश्रितहरू र अधिक भिसा श्रेणीहरू समावेश गर्ने आशा गरेका छन् ।

म विभागले अनुसूची ए विस्तार गर्न सक्छ

डिपार्टमेन्ट अफ लेवरले सन् २००४ देखि व्यवसायहरूको अनुसूची ए सूची विस्तार गरेको छैन तर जनतासँग यस विषयमा इनपुट माग्न सूचनाको लागि अनुरोधको घोषणा गरेको छ । विभागले ‘विज्ञान, प्रविधि, इञ्जिनियरिङ र गणित र अन्य गैर–स्टेम व्यवसायहरूमा व्यवसायहरू समावेश गर्न स्थायी श्रम प्रमाणीकरण प्रक्रियाको अनुसूची ए मा संशोधनहरू विचार गरिरहेको छ र अन्य इच्छुक पक्षहरूलाई टिप्पणी गर्न आमन्त्रित गरिएको छ ।

यदि विभागले अनुसूची ए मा विदेशी नागरिकको व्यवसाय सूचीबद्ध गरेमा रोजगारदाताले श्रम प्रमाणीकरण र लामो पीईआरएम प्रक्रियाबाट बच्न सक्छन् । जबकी अहिले कम्पनीहरूले प्रचलित ज्याला निर्धारण प्राप्त गर्न ६ देखि ८ महिनाको प्रक्रियाको सामना गर्छन र त्यसपछि श्रम प्रमाणीकरणको लागि अनुरोध गर्न लामो समय लाग्न सक्छ । अनुसूची ए को लागि एक व्यवसाय निर्दिष्ट गर्न असफल हुनुको अर्थ अक्सर सरकार र निजी क्षेत्रको लागि एक वर्ष लामो ढिलाइ र महत्वपूर्ण परिचालन लागतमा वृद्धि हनु हो भन्ने विज्ञको बुझाई रहेको छ ।

अन्य नियामक कार्यहरू

डीएचएसले आफ्नो नियामक एजेन्डामा अगस्त २०२४ मा रोजगारमा आधारित आप्रवासनमा प्रस्तावित नियम प्रकाशित गर्ने जनाएको छ । यदी प्रस्तावित नियमलाई अन्तिम रूप दिइयो भने असाधारण क्षमताभएका, उत्कृष्ट प्रोफेसरहरू र अनुसन्धानकर्ताहरूको लागि पुरानो प्रावधानहरू आधुनिकीकरण हुनेछन् ।

डीएचएसले रोजगार प्राधिकरणमा प्रस्तावित नियम पनि प्रकाशित गर्न सक्छ जसले भिसा धारकहरूको पति वा पत्नी र भिसामा रहेका व्यक्तिहरूलाई फाइदा पुग्न सक्छ जसले रोजगारी गुमाएका छन् । डीएचएसका अनुसार प्रस्तावित नियम मार्च २०२४ मा प्रकाशित गर्न सकिनेछ जसले आवेदकहरूको समायोजनको लागि लचीलोपन बढाउन सक्छ ।

म विभागले एच–२बी भिसासम्बन्धी प्रस्तावित नियम सन् २०२४ को अक्टोबरमा सार्वजनिक गर्ने जनाएको छ । यदि यो नियम कृषि श्रमिकका लागि डीओएलको एच–२ ए प्रस्तावित नियमसँग मिल्दोजुल्दो छ भने, रोजगारदाताहरूले यसको विरोध गर्ने सम्भावना प्रवल छ ।

डाका (Daca)

सेप्टेम्बर २०२३ मा टेक्सासको डिस्ट्रिक्ट कोर्टको फैसलाले डेफर्ड एक्सन फर चाइल्डहुड अराइभल (डीएसीए) लाई नयाँ सहभागीहरूका लागि गैरकानुनी घोषित गरेको थियो । तर हालका प्राप्तकर्ताहरूको लागि यसलाई जारी राख्न अनुमति दिएको थियो । आप्रवासी कानूनी स्रोत केन्द्रका अनुसार सन् २०२२ को ग्रीष्म ऋतुमा बाइडन प्रशासनले डाकालाई कानुनी चुनौतीबाट थप जोगाउने उद्देश्यले नयाँ नियमको घोषणा गरेको थियो ।

बाइडन प्रशासनको नीतिलाई कानुनी चुनौती

नोभेम्बर २०२३ मा, एक संघीय न्यायाधीशले न्याय विभागविरुद्ध प्रारम्भिक निषेधाज्ञा प्रदान गरे जब डीओजेले स्पेसएक्सविरुद्ध एसाइली र शरणार्थीहरू विरुद्ध भेदभाव गरेको आरोपमा मुद्दा दायर गरेको थियो । कम्पनीले एजेन्सीको प्रक्रिया असंवैधानिक भएको तर्क गरेको छ । यदि अदालतको निर्णय कायम रह्यो भने यसले कम्पनीहरूलाई न्याय विभाग आप्रवासी(सम्बन्धित रोजगार भेदभाव मुद्दाहरू विरुद्ध एक शक्तिशाली प्रतिरक्षा प्रदान गर्न सक्छ । डिओजेले एप्पलसँग रोजगार भेदभावको बारेमा अनुसन्धान गरेको थियो र २५ मिलियन डलरको कानूनी सम्झौतामा पुगेको थियो, यद्यपि कम्पनीले आप्रवासीहरूलाई प्रायोजन गर्दा श्रम विभागको नियमहरू पालन गरेको बताएको थियो ।

ब्लुमबर्ग लकी एलेन गिल्मरका अनुसार बाइडेन प्रशासनको आप्रवासन नीतिलाई चुनौती दिने अन्य दुई महत्वपूर्ण मुद्दा पनि छन् । भेनेजुएला, क्युबा, हाइटी र निकारागुआका लागि पेरोल कार्यक्रम गैरकानुनी भएको भन्दै रिपब्लिकन पार्टीका महान्यायाधिवक्ताले प्रारम्भिक निषेधाज्ञाको प्रस्ताव दर्ता गराएका थिए । कंग्रेसका रिपब्लिकन सदस्यहरूले प्यारोल कार्यक्रमहरू रोक्न प्रयास गरेका छन्, यद्यपि अनुसन्धानले क्यापिटल हिल वार्तामा प्रस्तावित प्रवर्तन नीतिहरू भन्दा अवैध प्रवेश कम गर्न पेरोल धेरै प्रभावकारी भएको देखाएको छ ।

आप्रवासी र शरणार्थी अधिकारवादी संस्थाहरूले दायर गरेको मुद्दामा बाइडेन प्रशासनको हालैको एसाइलम नियम गैरकानुनी भएको तर्क गरिएको छ । डिसेम्बर १९, २०२३ मा, अमेरिकन सिभिल लिबर्टीजले टेक्सासको एक कानूनविरुद्ध मुद्दा दायर गरेको थियो जसले राज्य र स्थानीय कानून प्रवर्तनलाई उनीहरूलाई कानुनी हैसियत बिना संयुक्त राज्य अमेरिकामा रहेका व्यक्तिहरूलाई पक्राउ गर्न र हिरासतमा राख्न अधिकार प्रदान गरेको थियो । एसीएलयू र धेरै कानुनी विद्वानहरूको तर्क छ कि टेक्ससको नयाँ कानून राज्यको अधिकारको सीमालाई उल्लघंन गरेको छ ।

सीमा र युक्रेन सहायता

कंग्रेस र ह्वाइट हाउसबीच युक्रेनलाई सहायता उपलब्ध गराउने आप्रवासन सम्बन्धी सम्झौता सम्भव छ तर चुनौतीपूर्ण । यसबारेमा हालसम्म कुनै सम्झौता भएको छैन । प्रतिनिधि सभाका सभामुख माइक जोन्सनले सम्झौतालाई रोक्न सक्छन् वा मतदानको लागि विधेयक नल्याउन सक्छन् । जोनसनले युक्रेनलाई थप सहयोग अन्त्य गर्न र रिपब्लिकन हाउस सदस्यहरूबीच मतभेद हुन नदिन आप्रवासन उपायहरूको रूपमा विषको गोली हाल्ने मनसाय राखेको हुन सक्छन् ।

संयुक्त राज्य अमेरिकाले शरणार्थी संकटको सामना गरिरहेको छ । सरकारी नीतिका कारण ७७ लाखभन्दा बढी मानिसहरूले भेनेजुएला छोडेका छन् । यस क्षेत्रमा राजनीतिक र आर्थिक संकटबाट गुज्रिरहेका देशहरूबाट अधिकांश व्यक्तिहरू र परिवारहरू हताश परिस्थितिहरूबाट भाग्छन र कानुनी रूपमा प्रवेश गर्ने कुनै तरिका फेला नपरेपनि सीमा पार गर्छन् । यसलाई सीमा गस्ती मुठभेडको रूपमा रेकर्ड गरिएको छ ।

(भर्जिनिया स्थित नेशनल फाउन्डेसन फर अमेरिकन पोलिसीका कार्यकारी निर्देशक एन्डरसनको प्रस्तुत लेख फोब्र्सको अनलाइन संस्करणमा प्रकाशित छ । सं.)