टेक्सस । नेपाली चिकित्सकहरुको पहलमा स्थापना भएको हिमालय हेल्थ क्लिनिकले आउँदो महिनादेखि दुई साताको अन्तरमा सेवा प्रदान गर्ने तयारी गरेको छ ।

टेक्ससको युलेसमा स्थापना गरिएको क्लिनिकले आउँदो डिसेम्बरदेखि महिनामा दुई पटक क्लिनिक सञ्चालन गर्ने घोषणा गरेको हो । हिमालय हेल्थ क्लिनिकले पूर्ण रुपमा निशुल्क रुपमा सेवा प्रदान गर्दै आएको छ ।

युलेसमा रहेको नेपाली मन्दिरमा आठ वटा कोठाहरुबाट क्लिनिकले अत्याधुनिक उपकरण समेत जडान गरेर व्यबस्थित रुपमा सेवा प्रदान गर्दैैै आएको छ । डिसेम्बर महिनामा ३ तारिक र १७ तारिकमा सेवा प्रदान गरिने जनाइएको छ । सेवा लिनेहरुको संख्या पनि निकै बढेको छ ।

‘पहिले हामीसँग प्रयाप्त जनशक्तिहरु पनि थिएनन् । अहिले हामीसँग धेरै जना डाक्टर साबहरु जोडिइसक्नु भएको छ । नर्स लगायत अन्य दक्ष जनशक्ति पनि भएकोले अबदेखि महिनामा दुई पटक गर्ने निर्णयमा पुगेका हौँ’ क्लिनिकका मुख्य परिकल्पनाकार डाक्टर सञ्जीब श्रेष्ठले भन्नुभयो । डा. श्रेष्ठको नेतृत्वमा नेपाली चिकित्सकहरु संलग्न टेक्सस नेप्लिज मेडिकल एसोसिएसन समेत दर्ता भएर सकृय रहेको छ ।

क्लिनिकलाई हप्तामा एक पटक सञ्चालन गर्ने दीर्घकालिन लक्ष्य लिइएको छ ।