गएको १ हफ्तादेखी नेपाली कांग्रेसको केन्द्रिय समितिको बैठक चलिरहेको थियो l ने.का.ले उक्त बैठकको प्रत्यक्ष प्रशारण गरिरहेको भएता पनि सभापति शेरबहादुर देउवाको बाहुल्यता भएको पार्टी बैठकबाट कुनै चमत्कारीक निर्णय आउला भन्ने अपेक्षा नभएको हुनाले खासै त्यति रुची राखिएन l यदाकदा न्युज पोर्टलबाट उक्त बैठकमा सभापति शेर बहादुर देउवाको देवत्वकरण भैरहेको र महामन्त्री गगन थापाको चर्को बिरोध भैरहेको सुन्ने गरिन्थ्यो l यति सम्म कि महामन्त्री थापाले पेश गरेको प्रतिवेदनलाई NGO को Wish List जस्तो सम्म भनेको सुनियो !

हिजो महामन्त्री थापाको बोल्ने पालो थियो l आफु कांग्रेसी नभए पनि किन किन महामन्त्री थापाको ३७ मिनेट लामो प्रतिउत्तर सुन्ने मन लाग्यो l सुनें ………l गगनले शालीन र भद्र शब्दमा एउटा महामन्त्रीले राख्नु पर्ने आफ्ना कुराहरु अत्यन्त गम्भीरतापूर्वक राखे l

आफुले देखेको “समुन्नत नेपाल र सम्मानित नेपाली” को सपना बाँडे l आफ्नो प्रतिवेदनलाई NGO को Wish List भन्नेहरुलाई “आफुले NGO मा काम नगरेको हुनाले NGO को Wish List कस्तो हुन्छ भन्ने आफुलाई थाहा नभएको” भनेर भद्र जवाफ पनि फर्काउन भ्याए l उनले व्यक्त गरेका प्रत्येक शब्दहरु भित्र जनस्तरमा कांग्रेस प्रतिको नैराश्यता झल्किन्थ्यो l कांग्रेसलाई कसरि पुनः उही पुरानो उचाईमा पु-याउने भन्ने चिन्ता देखिन्थ्यो l त्यसको लागि कांग्रेसमा ब्याप्त प्रबृत्ति र पात्र बदलिनु पर्ने र त्यसको लागि नेतृत्व परिवर्तन गर्नु पर्ने आफ्नो भनाई राखे l नेतृत्व परिवर्तनको लागि आफु सधैं संघर्षरत रहने शाहासिक भनाई समेत सभापति शेरबहादुर कै सामुन्ने राखे l

नेपाली कांग्रेसका महामन्त्री गगन थापाको ३७ मिनेटको त्यो प्रतिउत्तर सुनिसकेपछि आफु कांग्रेसी नभए पनि मुलुकले कुनै दिन यस्तै व्यक्तिको नेतृत्व पाउनु पर्छ भन्ने मनमा कता कता लागिरह्यो ! अस्तु………….!!!