काठमाडौं । जम्बो ब्राभो इलेक्ट्रीक स्कुटरको नेपालको लागि आधिकारिक विक्रेता कम्पनी जम्बो मोटर्सले ४ लाख २९ हजार रुपैयाँ तोकेर क्यापाचिनो एस बजारमा ल्याएको छ । कम्पनीले गत (आइतवार) एक कार्यक्रमबीच नक्साल नागपोखरीमा शाेरुम उद्घाटन गर्दै क्यापाचिनो एस बजारमा ल्याएको हो ।
क्यापाचिनो र ब्राभो दुबै इलेक्ट्रीक स्कुटर फुल चार्जमा १४० किलोमिटरसम्म गुडाउन सकिने र दुई घण्टामै फुल चार्ज गर्न सकिने कम्पनीका अध्यक्ष विनोद न्यौपाने बताउँछन् । कम्पनीले सार्वजनिक गरेको क्यापाचिनो इलेक्ट्रीक स्कुटरमा ५५ एम्पीयर ७२ भोल्टको लिथियम आयन ब्याट्री रहेको छ । यसमा ६ किलोवाट पीक क्षमताको मोटर प्रयोग गरिएको कम्पनीले जनाएको छ । यो स्कुटरको टप स्पीड क्षमता भने ८० किलोमिटर प्रतिघन्टा रहेको छ ।
क्यापाचिनोमा २८ लिटर क्षमताको ठुलो बु्ट स्पेश रहेको छ । त्यस्तै, यसमा ब्लुटुथ कनेक्टिभिटीसहितको फुल डिजिल डिस्प्ले रहेको छ भने, कि लेस स्टार्ट, एलइडी लाइट्स, डबल डिस्क ब्रेक, सिबिसी ब्रेकिङ जस्ता फिचर पाउन सकिन्छ ।
जम्बो मोटर्सले विगत १० वर्षदेखि हेटौंडालाई लगायत आसपसका जिल्लाहरुमा विद्युतीय सवारी साधनको विक्री वितरण गर्दै आएको थियो । अब काठमाण्डौ लगायत देशैभरिका ब्यापारिक केन्द्रबिन्दुहरुमा स्वोरुम बिस्तार गरी सेवा अगाडी बढाउने युबा ब्यबसायी न्यौपाने बताउँछन् ।
प्रतिक्रिया