काठमाडौँ । नेपालमा बुधबार एकैदिन हालसम्मकै अत्याधिक २४६ जनाको निधन भएको छ । यसअघि वैशाख २८ गते २२५ जनाको निधन भएको थियो । हालसम्म कोरोना संक्रमणबाट निधन हुनेको संख्या संख्या ५६५७ पुगेको छ । 

 

नेपालमा थप ८१७३ जनामा कोरोना भाइरस संक्रमण पुष्टि भएको छ । गत चौबीसघन्टामा पिसिआर परीक्षणबाट ८०६४ र एन्टिजेन विधिबाट परीक्षण गरिएका १०९ जना गरी ८१७३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । 

 

यसैगरी, पछिल्लो चौबीसघन्टामा ७९८९ जना संक्रमणमुक्त भएका छन् । योसहित हालसम्म ७५.०२ प्रतिशत अर्थात् ३ लाख ६० हजार ४०३ जना कोरोना भाइरसबाट मुक्त भएका छन् । 

 

बुधबारसम्म देशभर एक लाख १४ हजार ३५८ सक्रिय सङ्क्रमित रहेका छन् भने कुल संक्रमितको संख्या ४ लाख ८० हजार ४१८ पुगेको छ । मन्त्रालयले दिएको जानकारीअनुसार देशभरका क्वारेन्टाइनमा ८५६ जना रहेका छन् ।